ଆନ୍ନା ହଜାରେଙ୍କ ଆନ୍ଦୋଳନ: ରାମଲୀଳା ମଇଦାନରେ ଦେଖାଯାଉନି ଭିଡ
ନୂଆଦିଲ୍ଲୀ: ସମାଜସେବୀ ଆନ୍ନା ହଜାରେଙ୍କ ଆନ୍ଦୋଳନର ତୃତୀୟ ଦିନରେ ରବିବାର ଲୋକଙ୍କର ଭିଡ ଦେଖାଯାଇନଥିଲା । ବିଭିନ୍ନ ଦାବିନେଇ ଆନ୍ନା ସରକାରଙ୍କ ବିରୋଧରେ ମାର୍ଚ୍ଚ ୨୩ରୁ ଆନ୍ଦୋଳନ ଜାରି ରଖିଛନ୍ତି । କିନ୍ତୁ ଆନ୍ନାଙ୍କ ପୂର୍ବ ଆନ୍ଦୋଳନ ଭଳି ଏଥର ଗହଳି ଦେଖାଯାଉନାହିଁ । ରବିବାର ଛୁଟିଦିନ ଥିଲେ ବି ଦିଲ୍ଲୀର ଏହି ପଡିଆ ଖାଲିଖାଲି ଲାଗୁଥିଲା । ଆନ୍ଦୋଳନରେ ଯୋଗଦେବା ପାଇଁ କୃଷକ ଓ ମହିଳାଙ୍କ ବ୍ୟତୀତ ଅନ୍ୟବର୍ଗର ଲୋକମାନେ ଦେଖାଯାଉନଥିଲେ । ତୃତୀୟ ଦିନ ସନ୍ଧ୍ୟା ସୁଦ୍ଧା ପାଖାପାଖି ୪ ରୁ ୫ ହଜାର ଲୋକ ଥିଲେ । ଏହି ଆନ୍ଦୋଳନରେ ଲୋକମାନଙ୍କର ଯେଉଁ ପ୍ରକାରର ଭିଡ ଆଶା କରାଯାଉଥିଲା, ସେଭଳିି ଦେଖାଯାଇନଥିଲାା
Sambad is now on WhatsApp
Join and get latest news updates delivered to you via WhatsApp
ଜାତୀୟ ଗଣମାଧ୍ୟମର ରିପୋର୍ଟ ଅନୁସାରେ ଆନ୍ନାଙ୍କ ଦେହ ଅସୁସ୍ଥ ଅଛି । ଏହା ସହିତ ଆନ୍ନାଙ୍କ ସହ ଅନଶନରେ ବସିଥବା କିଛି ସହଯୋଗୀଙ୍କ ଦେହ ମଧ୍ୟ ଅସୁସ୍ଥ ହେବାରେ ଲାଗିଛି ।