ନୂଆଦିଲ୍ଲୀ: ନ୍ୟୁ ଇଣ୍ଡିଆ କୋ-ଅପରେଟିଭ୍ ବ୍ୟାଙ୍କ ଦୁର୍ନୀତି ମାମଲାରେ ଆଉ ଜଣେ ଗିରଫ ହୋଇଛନ୍ତି। ଏହି ମାମଲାରେ ଇଓଡବ୍ଲ୍ୟୁ ଜଣେ ଡେଭଲପରଙ୍କୁ ଗିରଫ କରିଛି। ଗିରଫ ଠିକାଦାରଙ୍କ ନାମ ଧର୍ମେଶ ପୁନ୍ ବୋଲି ଜଣାପଡ଼ିଛି।

Advertisment

ତଦନ୍ତରୁ ଜଣାପଡିଛି ଯେ ଏହି ମାମଲାରେ ହଡ଼ପ ହୋଇଥିବା ୧୨୨ କୋଟି ଟଙ୍କା ମଧ୍ୟରୁ ଧର୍ମେଶ୭୦ କୋଟି ଟଙ୍କା ପାଇଥିଲେ। ଇଓଡବ୍ଲ୍ୟୁ କହିଛି ଯେ ମୁଖ୍ୟ ଅଭିଯୁକ୍ତ ଜେନେରାଲ ମ୍ୟାନେଜର ହିତେଶ ମେହେଟ୍ଟା ୨୦୨୪ ମେ ଓ ଡିସେମ୍ବରରେ ଧର୍ମେଶଙ୍କୁ ୧.୭୫ କୋଟି ଟଙ୍କା ଏବଂ ୨୦୨୫ ଜାନୁଆରୀରେ ୫୦ ଲକ୍ଷ ଟଙ୍କା ଦେଇଥିଲେ। ଏହି ମାମଲାରେ ପୁଲିସ ଗତକାଲି ଦୀର୍ଘ ସମୟ ଧରି ପଚରାଉଚରା କରିବା ପରେ ହିତେଶ ମେହେଟ୍ଟାଙ୍କୁ ଗିରଫ କରିଥିଲା।

ନୂଆଦିଲ୍ଲୀ: ବ୍ୟାଙ୍କ ଦୁର୍ନୀତିର ତଦନ୍ତ ଅଧୀନରେ ନ୍ୟୁ ଇଣ୍ଡିଆ କୋ-ଅପରେଟିଭ୍ ବ୍ୟାଙ୍କର ଜେନେରାଲ ମ୍ୟାନେଜର ହିତେଶ ମେହେଟ୍ଟାଙ୍କୁ ଅର୍ଥନୈତିକ ଅପରାଧ ଶାଖା (ଇଓଡବ୍ଲ୍ୟୁ) ଗିରଫ କରିଛି। ସେ ୧.୨୨ ବିଲିୟନ ଟଙ୍କା ହଡପ କରିଥିବା ଅଭିଯୋଗ ହୋଇଛି। ଭାରତୀୟ ରିଜର୍ଭ ବ୍ୟାଙ୍କ (ଆର୍ ବିଆଇ) ଅନିୟମିତତା କାରଣରୁ ଫେବ୍ରୁଆରି ୧୩ ରେ ବ୍ୟାଙ୍କ ଉପରେ ବିଭିନ୍ନ ପ୍ରତିବନ୍ଧକ ଲଗାଇଥିଲା, ଯାହା ବ୍ୟାଙ୍କର ଗ୍ରାହକମାନଙ୍କ ପାଇଁ ଗୁରୁତର ଅସୁବିଧା ସୃଷ୍ଟି କରିଥିଲା।