ଦିଲ୍ଲୀ ସିଏଏ ବିରୋଧୀ ହିଂସା ପାଇଁ ଉପସାଗରୀୟ ଦେଶ ଗୁଡ଼ିକରୁ ଅର୍ଥ ଆସୁଥିଲା : ଦିଲ୍ଲୀ ପୁଲିସ
ନୂଆଦିଲ୍ଲୀ : ଗତ ଡିସେମ୍ବର ଓ ଜାନୁଆରି ମାସରେ ଭାରତର ବିଭିନ୍ନ ସହରରେ ହୋଇଥିବା ନାଗରିକତା ଆଇନ ବିରୋଧୀ ହିଂସା ଓ ଗତ ଫେବ୍ରୁଆରି ମାସରେ ଆମେରିକା ରାଷ୍ଟ୍ରପତି ଟ୍ରମ୍ପଙ୍କ ଭାରତ ଗସ୍ତ ସମ୍ପର୍କରେ ଦିଲ୍ଲୀରେ ହୋଇଥିବା ହିଂସା ପାଇଁ ବିଦେଶରୁ ଅର୍ଥ ଆସିଥିବା ଦିଲ୍ଲୀ ପୁଲିସ ସୂଚନା ଦେଇଛି ।
Sambad is now on WhatsApp
Join and get latest news updates delivered to you via WhatsApp
ଦିଲ୍ଲୀର ଜାମିଆ ମିଲିଆ ବିଶ୍ୱବିଦ୍ୟାଳୟରେ ହୋଇଥିବା ସିଏଏ ବିରୋଧୀ ହିଂସା ଲାଗି ମଧ୍ୟପ୍ରାଚ୍ୟରେ ଥିବା ଜାମିଆ ମିଲିଆ ଆଲୁମିନି ସଂଗଠନ ମାଧ୍ୟମରେ ଅର୍ଥ ଆସୁଥିଲା ବୋଲି ଦିଲ୍ଲୀ ପୁଲିସ ପାଟିଆଲା ହାଉସ କୋର୍ଟଙ୍କୁ ଜଣାଇଛି ।
ଗତ ରବିବାରଦିନ ଗିରଫ ହୋଇଥିବା ଜାମିଆ ଆଲୁମିନି ସିଫା-ଉର-ରେହମାନକୁ ଦିଲ୍ଲୀ ପୁଲିସ ଗିରଫ କରିଥିଲା । ତାକୁ ଜେରା କରିବା ପରେ ଏସବୁ ସୂଚନା ମିଳିଥିବା ଜଣାଯାଇଛି । ଜେରା ବେଳେ ସେ ସ୍ୱୀକାର କରିଛି ଯେ ଆରବ ଦେଶଗୁଡ଼ିକରୁ ତା ମାଧ୍ୟମରେ ପାଣ୍ଠି ଆସୁଥିଲା ଓ ସେ ନିଜେ ଏହି ଆନ୍ଦୋଳନକୁ ପରିଚାଳନା କରୁଥିଲା ।
ପପୁଲାର ଫ୍ରଣ୍ଟ ଅଫ ଇଣ୍ଡିଆ ସଦସ୍ୟ ଇସରତ ଜାହାଁ, ଖାଲିଦ ସୈଫି,ମିରାନ ହାଇଦର, ସାଫୋରା ଜାରଗର, ତାହିର ହୁସେନ ଆଦିଙ୍କ ଜେରା ବେଳେ ସେମାନେ ରହେମାନର ନାଁ ନେଇଥିଲେ ବୋଲି ଦିଲ୍ଲୀ ପୁଲିସ କହିଛି ।