ନୂଆଦିଲ୍ଲୀ : ବିଜେପିର ପୂର୍ବତନ ମୁଖପାତ୍ର ନୂପୁର ଶର୍ମାଙ୍କ ଦ୍ବାରା ଦିଆଯାଇଥିବା ଇସଲାମ ବିରୋଧୀ ମନ୍ତବ୍ୟକୁ ନେଇ ଆରବ ଜଗତରେ ପ୍ରବଳ ବିରୋଧ ଦେଖାଦେଇଛି । ଲୋକମାନଙ୍କର ଏହି ଅସନ୍ତୋଷକୁ ଆହୁରି ତେଜୁଛି ସୋସିଆଲ ମିଡିଆ । ସୋସିଆଲ ମିଡିଆରେ ଭାରତ ବିରୋଧୀ ହ୍ୟାସଟ୍ୟାଗ ଅଭିଯାନ ଟ୍ରେଣ୍ଡ କରୁଛି । ତେବେ ଏସବୁ ସୋସିଆଲ ମିଡିଆ ଅଭିଯାନ ପଛରେ ପାକିସ୍ତାନ ଥିବା ଜଣାପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସୋସିଆଲ ମିଡିଆରେ ଭାରତ ବିରୋଧୀ ଅଭିଯାନ ଚଳାଇବା ପାଇଁ ପାକିସ୍ତାନ ପକ୍ଷରୁ ଏକ ସ୍ବତନ୍ତ୍ର ରଣନୀତି ପ୍ରସ୍ତୁତ କରି କାର୍ଯ୍ୟକାରୀ କରାଯାଉଛି । ଭାରତ ଓ ଆରବ ଜଗତ ମଧ୍ୟରେ ବଢିଚାଲିଥିବା ଘନିଷ୍ଠତା ଯେପରି ଭାଙ୍ଗିଯାଏ ସେ ଦିଗରେ ପାକିସ୍ତାନ କାମ କରୁଛି । ପାକିସ୍ତାନି ହ୍ୟାକରମାନେ ବିଭିନ୍ନ ଲୋକଙ୍କ ନାଁରେ ନକଲି ଟ୍ବିଟର, ଫେସବୁକ ହ୍ୟାଣ୍ଡେଲ ଖୋଲି ଭାରତ ବିରୋଧୀ ଅଭିଯାନ ଚଳାଉଛି । ମାତ୍ର ଏହାର ପ୍ରଭାବ ଆରବ ଦେଶର ଲୋକମାନଙ୍କ ଉପରେ ପଡ଼ୁଛି । ଏହି ଅଭିଯାନର ଶିକାର ହୋଇ ସେମାନେ ଭାରତକୁ ବିରୋଧ କରିବା ଆରମ୍ଭ କରିଦେଇଛନ୍ତି ।
ସୂଚନାଯୋଗ୍ୟ ଯେ ଗତ ରବିବାରଦିନ ଇସଲାମ ବିରୋଧୀ ମନ୍ତବ୍ୟ ପାଇଁ ବିଜେପି ପକ୍ଷରୁ ଦୁଇ ମୁଖପାତ୍ର ନୂପୁର ଶର୍ମା ଓ ନବୀନ ଜିନ୍ଦଲଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିଲା । ନୂପୁରଙ୍କୁ ନିଲମ୍ବିତ କରାଯିବା ସହ ନବୀନଙ୍କୁ ବହିଷ୍କାର କରାଯାଇଥିଲା । ଏହା ସତ୍ତ୍ବେ ବିଶ୍ବର ମୁସଲିମ ଦେଶମାନେ ଏହାକୁ ନିନ୍ଦା କରିଚାଲିଛନ୍ତି ।