ଅନ୍ତଃ ରାଜ୍ୟ ସୀମାରେ ଆରମ୍ଭ ହେବ ନକ୍ସଲ ବିରୋଧୀ ଅଭିଯାନ
ନୂଆଦିଲ୍ଲୀ : ଅନ୍ତଃ ରାଜ୍ୟ ସୀମାରେ ଆରମ୍ଭ ହେବ ମିଳିତ ନକ୍ସଲ ବିରୋଧୀ ଅଭିଯାନ। ଏ ସମ୍ପର୍କରେ ଗତକାଲି ବିହାର ପୁଲିସ ମହାନିର୍ଦ୍ଦେଶକ (ଡିଜିପି)ଙ୍କ ଅଧ୍ୟକ୍ଷତାରେ ଭିଡିଓ କନଫରେନ୍ସିଂ ମାଧ୍ୟମରେ ପୂର୍ବ କ୍ଷେତ୍ର ପୁଲିସ ସମନ୍ବୟ କମିଟି (ଇଆରପିସିସି)ର ଏକ ଗୁରୁତ୍ବପୂର୍ଣ୍ଣ ବୈଠକ ଅନୁଷ୍ଠିତ ହୋଇଥିଲା। ଏଥିରେ ଓଡ଼ିଶା, ଝାଡ଼ଖଣ୍ଡ, ପଶ୍ଚିମବଙ୍ଗ ଓ ଛତିଶଗଡ଼ର ଡିଜିପି ଯୋଗ ଦେଇଥିଲେ। ବୈଠକରେ ବହୁ ଗୁରୁତ୍ବପୂର୍ଣ୍ଣ ନିଷ୍ପତ୍ତି ଗ୍ରହଣ କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ନିଷ୍ପତ୍ତି ଅନୁସାରେ, ସୁରକ୍ଷା ବିହୀନ ଅଂଚଳଗୁଡ଼ିକରେ କ୍ୟାମ୍ପ ପ୍ରତିଷ୍ଠା ହେବ। ରାଜ୍ୟମାନେ ନିୟମିତ ବ୍ୟବଧାନରେ ନକ୍ସଲ ଗତିବିଧିକୁ ନେଇ ସୂଚନା ଆଦାନପ୍ରଦାନ କରିବେ। ମାଦକ ଦ୍ରବ୍ୟ ଚୋରାଚାଲାଣ ଓ ଅନ୍ତଃ ରାଜ୍ୟ ଗ୍ୟାଙ୍ଗ ଉପରେ ଅଙ୍କୁଶ ଲଗାଇବା ପାଇଁ କାର୍ଯ୍ୟଯୋଜନା ପ୍ରସ୍ତୁତ ହେବ। ବ୍ୟାଙ୍କ ଓ ଆଭୂଷଣ ବ୍ୟବସାୟୀମାନଙ୍କ ବିରୋଧରେ ହେଉଥିବା ଅପରାଧ ଉପରେ ପରସ୍ପର ସମନ୍ବୟ ରଖି କାର୍ଯ୍ୟ କରିବାକୁ ବୈଠକରେ ନିଷ୍ପତ୍ତି ହୋଇଛି। କେନ୍ଦ୍ର ସ୍ବରାଷ୍ଟ୍ର ବ୍ୟାପାର ମନ୍ତ୍ରାଳୟ ପକ୍ଷରୁ ନକ୍ସଲ ଓ ଅନ୍ତଃ ରାଜ୍ୟ ଅପରାଧ ଉପରେ ନିୟନ୍ତ୍ରଣ ପାଇଁ ଲଗାତାର ରାଜ୍ୟମାନଙ୍କୁ ପରାମର୍ଶ ଦିଆଯାଉଛି।