ନୂଆଦିଲ୍ଲୀ: ଆପଣ କିଣୁଥିବା ଚିକେନ୍ ( କୁକୁଡା ମାଂସ)ରେ ଆଣ୍ଟିବାୟୋଟିକ୍ସ ଭର୍ତ୍ତି ଅଛି କି? ଆମ ଶରୀରରେ ତାହାର କଣ ପ୍ରଭାବ ପଡ଼ୁଛି ?
![Sambad Whatsapp](https://cdn-icons-png.flaticon.com/512/2504/2504957.png)
Sambad is now on WhatsApp
Join and get latest news updates delivered to you via WhatsApp
ସେଣ୍ଟର ଫର ସାଇନ୍ସ ଆଣ୍ଡ ଏନଭାଇରନମେଣ୍ଟ (ସିଏସଇ)ର ଏକ ଗବେଷଣାରୁ ଜଣାପଡିଛି ଯେ ଚିକେନରେ ଆଣ୍ଟିବାୟୋଟିକର ୪୦ ପ୍ରତିଶତ ଆଣ୍ଟିବାୟୋଟିକ୍ସ ଅଂଶ ରହିଥାଏ । ମଣିଷର ଶରୀର ଉପରେ ଏହାର ସାଧାସଳଖ କୌଣସି ପ୍ରଭାବ ନଥିଲେ ବି ଏହା ଆମର ଆଣ୍ଟିବାୟୋଟିକ୍ସ ପ୍ରତିରୋଧକୁ ବଢାଇଚାଲିଛି । ଅର୍ଥାତ୍ ଚିକେନ ଖାଉଥିବା ଲୋକଙ୍କ ଚିକିତ୍ସା ସମୟରେ ଆଣ୍ଟିବାୟୋଟିକ୍ସର ଯେତିକି ପ୍ରଭାବ ରହିବା କଥା ସେତିକି ରହେ ନାହିଁ ।
ହ୍ବେନ ଦି ଡ୍ରଗ ଡୋଣ୍ଟ୍ ଓ୍ବାର୍କ ପୁସ୍ତକର ଲେଖକ ଲେଖିଛନ୍ତି ଯେ ଆଣ୍ଟିବାୟୋଟିକ୍ସ ପ୍ରତିରୋଧ ଓ ସୁପରବଗ୍ ଉପରେ ଥିବା ନିୟମକୁ ପ୍ରଭାବଶାଳୀ ଭାବେ କାର୍ଯ୍ୟକାରୀ ନ କରିବା ପର୍ଯ୍ୟନ୍ତ ଖାଦ୍ୟ ପାଇଁ ବ୍ୟବହୃତ ଜୀବମାନଙ୍କ ବିଷୟରେ ଅଧିକ ସ୍ୱଚ୍ଛତା ରକ୍ଷା କରିବାର ଆବଶ୍ୟକତା ରହିଛି, ଯେ ସେମାନଙ୍କ ପାଳନ ପାଇଁ ଆଣ୍ଟିବାୟୋଟିକ୍ସ ବ୍ୟବହାର କରାଯାଉଛି କି ?
କୁକୁଡ଼ାକୁ ରୋଗରୁ ରକ୍ଷା କରିବା, ବଢିବା ଓ ଓଜନ ବଢାଇବା ପାଇଁ ଆଣ୍ଟିବାୟୋଟିକ୍ସ ବ୍ୟବହାର କରାଯାଏ । ଏଭଳି ପରିସ୍ଥିତିରେ ଏହାକୁ ଖାଇବା ଦ୍ୱାରା ଚିକେନରେ ଥିବା ଆଣ୍ଟିବାୟୋଟିକ ଶରୀରକୁ ସ୍ଥାନାନ୍ତରିତ ହୋଇଥାଏ, ଯାହା ନିଜର ସ୍ଥାନ ତିଆରି କରିଥାଏ ଏବଂ ମଣିଷ ଶରୀର ଏଥିରେ ଅଭ୍ୟସ୍ତ ହୋଇଯାଏ । ଏଥିସହିତ ଜଣେ ବ୍ୟକ୍ତି ଅସୁସ୍ଥ ହେଲେ ଆଣ୍ଟିବାୟୋଟିକ୍ସ ଶୀଘ୍ର ପ୍ରତିକ୍ରିୟା ଦେଇନଥାଏ ଏବଂ ତାଙ୍କୁ ଅଧିକ ମାତ୍ରା ଦିଆଯାଏ, ଯାହା ଶରୀର ପାଇଁ କ୍ଷତିକାରକ ହୋଇପାରେ ।