ଦେଢଶୁରଙ୍କୁ ଲାଠିରେ ପିଟିବେ ଯୋଗୀ! ଅଖିଳେଶଙ୍କୁ ନେଇ କିଛି ଏଭଳି କହିଲେ ଅପର୍ଣ୍ଣା
ଲଖନଉ: ସମାଜବାଦୀ ପାର୍ଟି ପ୍ରତିଷ୍ଠାତା ମୁଲାୟମ ସିଂ ଯାଦବଙ୍କ ସାନ ବୋହୂ ଅପର୍ଣ୍ଣା ଯାଦବ ଆଜି ପୁଣି ଥରେ ସମାଜବାଦୀ ପାର୍ଟି ଉପରେ ଆକ୍ରମଣ କରିଛନ୍ତି। ଏଥର ସେ କୌଣସି ନାମ ନ ନେଇ ଏସପି ଅଧ୍ୟକ୍ଷ ଅଖିଳେଶ ଯାଦବଙ୍କୁ ଟାର୍ଗେଟ କରିଛନ୍ତି। ଅପର୍ଣ୍ଣା କହିଛନ୍ତି ଯେ ଯେଉଁମାନେ ମୁଖ୍ୟମନ୍ତ୍ରୀ ଯୋଗୀଙ୍କୁ ମଠକୁ ପଠାଇଦେବା କଥା କହୁଥିଲେ ସେମାନଙ୍କୁ ଏବେ ଯୋଗୀ ଲାଠିରେ ସାବାଡ଼ କରିବେ | ତେବେ ବିଧାନସଭା ନିର୍ବାଚନ ପ୍ରଚାର ସମୟରେ ଅଖିଳେଶ ଯାଦବ ବାରମ୍ବାର ଯୋଗୀଙ୍କୁ ଗୋରଖପୁର ମଠକୁ ପଠାଇବା ବିଷୟରେ ବାରମ୍ବାର କହୁଥିଲେ। ଆଉ ଅପର୍ଣ୍ଣାଙ୍କ ଏହି ବୟାନ ଅଖିଳେଶଙ୍କ ପାଇଁ ଉଦ୍ଦିଷ୍ଟ ଥିଲା ବୋଲି ଆଲୋଚନା ଜୋର ଧରିଛି |
Sambad is now on WhatsApp
Join and get latest news updates delivered to you via WhatsApp
ଔରୟର ବିଧୁନାରେ ଅପର୍ଣ୍ଣା ଯାଦବ କହିଛନ୍ତି ଯେ ଲୋକମାନେ ବାରମ୍ବାର ପଚାରୁଛନ୍ତି ବୋହୂ କାହିଁକି ତାଙ୍କ ପରିବାର ଛାଡିଛନ୍ତି । ତେବେ ମୁଁ କହିବାକୁ ଚାଁହୁଛି ଯେ ମୁଁ ବିଧୁନାର ବୋହୂ ଓ ବୋହୂ ତାଙ୍କ ପରିବାର ଛାଡ଼ନ୍ତି ନାହିଁ । ହଁ, ରାଷ୍ଟ୍ରବାଦ ପାଇଁ ଦଳ ଛାଡିଛନ୍ତି | ଅପର୍ଣ୍ଣା କହିଛନ୍ତି ଯେ ସେ ଯାଦବ ବଂଶର ବୋହୂ। ସେ ପରିବାର ଛାଡି ନାହାନ୍ତି ବରଂ ରାଷ୍ଟ୍ରବାଦ ପାଇଁ ଦଳ ଛାଡିଥିଲେ।
Uttar Pradesh | Upon joining the BJP, some people said that the Sanyasi (saint) should be sent back to mutt, but now we have the BJP govt in the state with an absolute majority and our CM Yogi will wield ‘latth’ (sticks) against all such people: BJP leader Aparna Yadav in Auraiya pic.twitter.com/X20E6ZrTlp
— ANI UP/Uttarakhand (@ANINewsUP) April 16, 2022
ସେ କହିଛନ୍ତି ଯେ ବିଜେପି ଯେଉଁ କାମ କରିଛି, ଅନ୍ୟ ଦଳ କେବେ ବି କରିପାରିବେ ନାହିଁ | ଅପର୍ଣ୍ଣା କହିଛନ୍ତି ଯେ ଯେତେବେଳେ ସେ ନିର୍ବାଚନ ପୂର୍ବରୁ ବିଜେପିରେ ଯୋଗ ଦେଇଥିଲେ, ସେତେବେଳେ ଲୋକମାନେ ସୋସିଆଲ ମିଡିଆ ଟ୍ୱିଟରରେ କହୁଥିଲେ ଯେ ଯୋଗୀଙ୍କୁ ମଠକୁ ପଠାଇବା ପାଇଁ ପ୍ରସ୍ତୁତି ଚାଲିଛି। ତେଣୁ ଏବେ ମୁଁ କହିବାକୁ ଚାଁହୁଛି ଯେ ବହୁମତ ପାଇ ବିଜେପିର ସରକାର ଗଠନ ହୋଇଛି। ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଏପରି ସମସ୍ତ ଲୋକଙ୍କୁ ଲାଠିରେ ସାବାଡ଼ କରିବେ |