ଇଣ୍ଡିଆ ମେଣ୍ଟ ବୈଠକରେ ଯୋଗ ଦେବ କି ଆପ୍ ?

ସମ୍ଭଲ: ସଂସଦର ମୌସୁମୀ ଅଧିବେଶନ ଆରମ୍ଭ ହେବା ପୂର୍ବରୁ ଆସନ୍ତା ୧୯ ତାରିଖରେ ଇଣ୍ଡିଆ ମେଣ୍ଟ ଏକ ବୈଠକ ଅନୁଷ୍ଠିତ ହେବାକୁ ଯାଉଛି। ଏହି ବୈଠକରେ ଆମ ଆଦମୀ ପାର୍ଟି ଅଂଶଗ୍ରହଣ କରିବ କି ନାହିଁ ପ୍ରଶ୍ନରେ, ଦଳର ବରିଷ୍ଠ ନେତା ଏବଂ ରାଜ୍ୟସଭା ସାଂସଦ ସଞ୍ଜୟ ସିଂହ ଚିତ୍ର ସ୍ପଷ୍ଟ କରିଛନ୍ତି। ସେ କହିଛନ୍ତି ଯେ ଆମେ ଆମର ସ୍ଥିତି ସ୍ପଷ୍ଟ କରିଛୁ। ସେ କହିଛନ୍ତି ଯେ ମେଣ୍ଟ କେବଳ ଲୋକସଭା ନିର୍ବାଚନ ପାଇଁ ଥିଲା। ୟୁପିର ସମ୍ଭଲରେ ଗଣମାଧ୍ୟମ ସହିତ କଥାବାର୍ତ୍ତା ସମୟରେ ସଞ୍ଜୟ ସିଂହ ଏହା କହିଛନ୍ତି।

ଶ୍ରୀ ସିଂ ଓଡ଼ିଶାର ବାଲେଶ୍ବରର ଫକୀର ମୋହନ କଲେଜରେ ହୋଇଥିବା ଛାତ୍ରୀ ଆତ୍ମହତ୍ୟା ଘଟଣାକୁ ନେଇ ମତ ରଖିଛନ୍ତି । ସେ କହିଛନ୍ତି ଯେ ଏହି ଘଟଣା ସଂପର୍କରେ ପ୍ରଶାସନ ପୂର୍ବରୁ ଜାଣିଥିଲା । କିନ୍ତୁ ଠିକ ସମୟରେ ପଦକ୍ଷେପ ନିଆଯାଇନଥିଲା । ଫଳରେ ବାଧ୍ୟହୋଇ ଛାତ୍ରୀ ଆତ୍ମହତ୍ୟା କରିଥିଲେ । ଏଥିପାଇଁ ପ୍ରଶାସନ ଦାୟୀ ।