ପାକ୍ କରୁଛି ହ୍ୟାକ୍ ! ବଦଳାଅ ହ୍ଵାଟ୍ସଆପ ସେଟିଙ୍ଗ, ଯବାନଙ୍କୁ ଆଡଭାଇଜାରି ଜାରି କଲା ସେନା
ନୂଆଦିଲ୍ଲୀ: ବଦଳାଅ ହ୍ଵାଟ୍ସଆପ ସେଟିଙ୍ଗ, ନିଜ ଯବାନଙ୍କୁ ଆଡ଼ଭାଇଜାରି ଜାରି କରିଛି ଭାରତୀୟ ସେନା | ତୁରନ୍ତ ହ୍ଵାଟ୍ସଆପ ସେଟିଙ୍ଗକୁ ବଦଳାଇବାକୁ ସେନା ନିର୍ଦ୍ଦେଶନାମା ଜାରି କରିଛି | ସେନା ପକ୍ଷରୁ କୁହାଯାଇଛି ଯେ କେବଳ ନିଜେ ସେଟିଙ୍ଗରେ ପରିବର୍ତ୍ତନ କରନ୍ତୁ ନାହିଁ ବରଂ ନିଜ ପରିବାର ସଦସ୍ୟଙ୍କୁ ମଧ୍ୟ ସତର୍କ କରନ୍ତୁ | ସେନା ଯବାନମାନଙ୍କୁ ସନ୍ଦିଗ୍ଧ ନମ୍ବରଟିଏ ମଧ୍ୟ ଦର୍ଶାଇଛି | ଏହି ନମ୍ବରଟି ହେଉଛି ୯୨୩୦୩୨୫୬୯୩୦୭ | ଏହି ନମ୍ବରଟି ପାକିସ୍ତାନର ବୋଲି କୁହାଯାଇଛି | ବିଭିନ୍ନ ହ୍ବାଟସଆପ୍ ନମ୍ବର ଜରିଆରେ ଯବାନଙ୍କ ନମ୍ବରକୁ କିଛି ଗ୍ରୁପରେ ଯୋଡ଼ି ଦିଆଯାଉଛି। ଏହା ଦ୍ବାରା ମୋବାଇଲରୁ ଗୁପ୍ତ ତଥ୍ୟ ମଧ୍ୟ ଚୋରି କରି ନିଆଯାଉଛି।
Sambad is now on WhatsApp
Join and get latest news updates delivered to you via WhatsApp
ସେନାର ଆଡ଼ଭାଇଜାରିରେ କୁହାଯାଇଛି ଯେ ଯବାନଙ୍କର ମୋବାଇଲ ନମ୍ବର କିଛି ଗ୍ରୁପରେ ରହିଛି, ଯାହାକି ପାକିସ୍ତାନରୁ ପରିଚାଳିତ ହେଉଛି | ସେନା ପକ୍ଷରୁ ଯବାନମାନଙ୍କୁ ନିର୍ଦ୍ଦେଶ ଦିଆଯାଇଛି ଯେ ହ୍ଵାଟ୍ସଆପ ନମ୍ବରର ସେଟିଙ୍ଗ ତୁରନ୍ତ ବଦଳାନ୍ତୁ ଓ କୌଣସି ବି ଅଜଣା ନମ୍ବରର ଗ୍ରୁପରେ ସାମିଲ ନ କରାଇବାକୁ ଅପସନ ଆକ୍ଟିଭ କରନ୍ତୁ | ନିମ୍ନରେ ଦର୍ଶାଯାଇଛି ଯେ କିଭଳି ହ୍ଵାଟ୍ସଆପ ସେଟିଙ୍ଗ ପରିବର୍ତ୍ତନ କରିବେ |
ହ୍ଵାଟ୍ସଆପ ସେଟିଙ୍ଗ>ଆକାଉଣ୍ଟ>ପ୍ରାଇଭେସି>ଗ୍ରୁପ>ଚେଞ୍ଜ ସେଟିଙ୍ଗ ଟୁ ମାଇଁ କଣ୍ଟାକ୍ଟ