ଭାରତୀୟ ସେନାରେ ମୋଟ ୮ଜଣ କରୋନା ଆକ୍ରାନ୍ତ ଏବଂ ଜଣେ ଯବାନ ସୁସ୍ଥ ହୋଇଛନ୍ତି : ସେନାମୁଖ୍ୟ ଜେନେରାଲ ଏମଏମ ନାରାଭାନେ

କୁପୱାରା: ଭାରତୀୟ ସେନାରେ ଏ ପର୍ଯ୍ୟନ୍ତ ମୋଟ ୮ଜଣ କରୋନା ଆକ୍ରାନ୍ତ ହୋଇଥିବା ବେଳେ ଜଣେ ଯବାନ ସୁସ୍ଥ ହୋଇଥିବା ନେଇ ସୂଚନା ଦେଇଛନ୍ତି ସେନାମୁଖ୍ୟ ଜେନେରାଲ ଏମଏମ ନାରାଭାନେ।

“ବର୍ତ୍ତମାନ ପର୍ଯ୍ୟନ୍ତ ଭାରତୀୟ ସେନାରେ ଆମର କେବଳ ୮ଜଣ କରୋନା ଦ୍ୱାରା ଆକ୍ରାନ୍ତ ହୋଇଛନ୍ତି, ସେଥିମଧ୍ୟରୁ ଦୁଇଜଣ ଡାକ୍ତର ଏବଂ ଜଣେ ନର୍ସିଂ ଆସିଷ୍ଟାଣ୍ଟ ରହିଛନ୍ତି। ଚାରିଜଣ ଚିକିତ୍ସା ପରେ ସୁସ୍ଥ ହେବାକୁ ଲାଗିଛନ୍ତି | ଲଦାଖରେ ଥିବା ଜଣେ ଯବାନ ଆମର କରୋନା ଦ୍ୱାରା ଆକ୍ରାନ୍ତ ହୋଇଥିବା ବେଳେ ବର୍ତ୍ତମାନ ସେ ସମ୍ପୂର୍ଣ୍ଣ ଆରୋଗ୍ୟ ଲାଭ କରିଛନ୍ତି ଏବଂ ଡ୍ୟୁଟିରେ ଯୋଗ ଦେଇଥିବା କହିଛନ୍ତି ଜେନେରାଲ ନାରାଭାନେ।

Army Chief Says 8 Coronavirus Cases Till Now, 1 Soldier Has Recovered
ndtv

ସେ କହିଛନ୍ତି ଯେ, ଆମର କର୍ମଚାରୀ ଯେଉଁମାନେ କୌଣସି ସଂକ୍ରମିତ ବ୍ୟକ୍ତିଙ୍କ ସଂସ୍ପର୍ଶରେ ଆସିନାହାଁନ୍ତି ସେମାନଙ୍କୁ ପୁନର୍ବାର ୟୁନିଟ୍କୁ ପଠାଯାଉଛି। ଆମେ ପୂର୍ବରୁ ଦୁଇଟି ସ୍ୱତନ୍ତ୍ର ଟ୍ରେନ୍ ଯୋଗାଇ ଦେଇଛୁ, ଯାହା ବେଙ୍ଗାଲୁରୁରୁ ଜାମ୍ମୁ ଏବଂ ଅନ୍ୟଟି ବେଙ୍ଗାଲୁରୁରୁ ଗୁଆହାଟି ପର୍ଯ୍ୟନ୍ତ ଯାତ୍ରା କରିବ ।

ସୂଚନା ମୁତାବକ, ଆଣ୍ଟି କୋଭିଡ-୧୯ ଅପରେସନ୍ ସହିତ ଜଡିତ ଜଣେ ଭାରତୀୟ ସେନା ଡାକ୍ତର ନିକଟରେ କରୋନାଭାଇରସ୍ ଦ୍ୱାରା ଆକ୍ରାନ୍ତ ହୋଇଥିବା ନେଇ ରିପୋର୍ଟରୁ ସ୍ପଷ୍ଟ ହୋଇଥିଲା । ଯାହା ପରେ ତାଙ୍କ ସହ ସଂସ୍ପର୍ଶରେ ଆସିଥିବା ଲୋକଙ୍କୁ ଖୋଜି ସେମାନଙ୍କୁ ସଙ୍ଗରୋଧରେ ରଖାଯାଇଥିଲା | ସଂକ୍ରମିତ ହୋଇଥିବା ପ୍ରଥମ ସେନା କର୍ମଚାରୀ ଲଦାଖର ଜଣେ ଯବାନ ଥିଲେ। ଯିଏ ଏବେ ସୁସ୍ଥ ହୋଇ କାର୍ଯ୍ୟରେ ଯୋଗ ଦେଇଛନ୍ତି |

ସମ୍ବନ୍ଧିତ ଖବର