ନିୟନ୍ତ୍ରଣ ରେଖାରେ ଭାରତ-ପାକିସ୍ତାନ ମଧ୍ୟରେ ଉତ୍ତେଜନା ଜାରି, ଆଜି କଶ୍ମୀର ଗସ୍ତରେ ଯିବେ ସେନାମୁଖ୍ୟ
ନୂଆଦିଲ୍ଲୀ : କରୋନା ମହାମାରୀକୁ ନେଇ ସମଗ୍ର ବିଶ୍ୱ ଚିନ୍ତିତ ଥିବାବେଳେ ପାକିସ୍ତାନ ନିଜର ଖଳପ୍ରକୃତି ଛାଡ଼ିପାରିନାହିଁ । ନିୟନ୍ତ୍ରଣ ରେଖା ନିକଟରେ ପ୍ରାୟ ପ୍ରତିଦିନ ପାକିସ୍ତାନୀ ସେନା ପକ୍ଷରୁ ଅସ୍ତ୍ରବିରତି ଉଲ୍ଲଙ୍ଘନ ଜାରି ରହିଛି । ଅସ୍ତ୍ରବିରତି ଉଲ୍ଲଙ୍ଘନ କରି ସୀମା ଏପଟକୁ ଆତଙ୍କବାଦୀ ଅନୁପ୍ରବେଶ କରିବାକୁ ଉଦ୍ୟମ କରାଯାଉଛି । କିନ୍ତୁ ପାକିସ୍ତାନର ଏହି ଚକ୍ରାନ୍ତକୁ ଭାରତୀୟ ସେନା ଦୃଢତାର ସହ ପଣ୍ଡ କରିଚାଲିଛି । ତେବେ ସ୍ଥିତିର ଗୁରୁତ୍ୱକୁ ଅନୁଭବ କରି ଆସି ଭାରତୀୟ ସେନାମୁଖ୍ୟ ଜେନେରାଲ ମନୋଜ ମୁକୁନ୍ଦ ନାରାବଣେ କଶ୍ମୀର ଗସ୍ତରେ ଯାଇ ନିୟନ୍ତ୍ରଣ ରେଖାର ସ୍ଥିତି ସମୀକ୍ଷା କରିବାର କାର୍ଯ୍ୟକ୍ରମ ରହିଛି ।
Sambad is now on WhatsApp
Join and get latest news updates delivered to you via WhatsApp
କିଛିଦିନ ତଳେ ଭାରତୀୟ ସେନା ପାକ ଅଧିକୃତ କଶ୍ମୀରର ଦୁଧନିହାଲ ଅଞ୍ଚଳରେ ଥିବା ଆତଙ୍କବାଦୀ ଶିବିର ଉପରେ ଅତର୍କିତ ଆକ୍ରମଣ କରି ସେଗୁଡ଼ିକୁ ଧ୍ୱଂସ କରିଦେଇଥିଲା । ଏହା ଦ୍ୱାରା ଅନେକ ଆତଙ୍କବାଦୀ ନିହତ ହେବାସହ କେତେ ଜଣ ପାକିସ୍ତାନୀ ସୈନିକ ନିହତ ହୋଇଥିଲେ । ପାକିସ୍ତାନ ସେନା ପକ୍ଷରୁ ବାରମ୍ବାର ଅସ୍ତ୍ରବିରତି ଉଲ୍ଲଙ୍ଘନ କରିବା ଓ ନିୟନ୍ତ୍ରଣ ରେଖା ଏପଟକୁ ଆସି ଭାରତୀୟ ପୋଷ୍ଟଗୁଡ଼ିକ ଉପରେ ଆକ୍ରମଣ କରିବାର ଜବାବରେ ଭାରତୀୟ ସେନା ପକ୍ଷରୁ ଏହି ଅପରେସନ କରାଯାଇଥିଲା । ଗତ ଏପ୍ରିଲ ୧ରେ ମଧ୍ୟ ଭାରତୀୟ ସେନା କେରନା ସେକଫରରେ ଅନୁପ୍ରବେଶ କରିଥିବା ୫ ଆତଙ୍କବାଦୀଙ୍କୁ ମାରିଦେଇଥିଲା ।