ନୂଆଦିଲ୍ଲୀ : ବିଶ୍ୱର ସର୍ବୋଚ୍ଚ ଯୁଦ୍ଧକ୍ଷେତ୍ର ସିଆଚେନରେ ଭାରତୀୟ ଏକ ବିରଳ ଦୁଃସାହସିକ ଅଭିଯାନ କରି ସଫଳତା ହାସଲ କରିଛି । ସମୁଦ୍ର ପତନଠାରୁ ପ୍ରାୟ ୧୮ ହଜାର ଫୁଟ ଉଚ୍ଚତାରେ ଥିବା ଏହି ଗ୍ଲାସିୟରରେ ଫସିରହିଥିବା ଏକ ହେଲିକାପ୍ଟରକୁ ଉଦ୍ଧାର କରିବାକୁ ସକ୍ଷମ ହୋଇଛି ସେନା । ଏତେ ଉତ୍ତତାରୁ ଏହି କାର୍ଯ୍ୟ ସଫଳତାର ସହ କରିବା ଏକ ବିଶ୍ୱ ରେକର୍ଡ ବୋଲି କୁହାଯାଉଛି ।
Sambad is now on WhatsApp
Join and get latest news updates delivered to you via WhatsApp
ସେନା ସୁତ୍ରରୁ ମିଳିଥିବା ସୂଚନା ଅନୁସାରେ ଗତ ଜାନୁୟାରୀ ମାସରେ ଆଡଭାନ୍ସଡ ଲାଇଟ ହେଲିକାପ୍ଟର ଧ୍ରୁବ ସିଆଚେନ ବେସ କ୍ୟାମ୍ପକୁ ଫେରୁଥିବାବେଳେ ସେଥିରେ ଯାନ୍ତ୍ରିକ ତ୍ରୁଟି ଦେଖାଦେଇଥିଲା । ତେବେ ପାଇଲଟ ଏହାକୁ ନିରାପଦରେ ଓହ୍ଲାଇବାକୁ ସକ୍ଷମ ହୋଇଥିଲେ ମଧ୍ୟ ଏହା ବେସ କ୍ୟାମ୍ପରେ ପହଞ୍ଚି ପାରି ନଥିଲା । ପାଇଲଟ ଏହାକୁ ବରଫ ଉପରେ ହିଁ ଓହ୍ଲାଇଦେଇଥିଲେ । କିନ୍ତୁ ବରଫରେ ଦବିଯାଇ ଏହା ଧୀରେ ଧୀରେ ପୋତି ହୋଇଯାଇଥିଲା । ଏହା ପରେ ହେଲିକାପ୍ଟରକୁ ଉଦ୍ଧାର କରିବାକୁ କରାଯାଇଥିବା ସବୁ ଉଦ୍ୟମ ବିଫଳ ହୋଇଥିଲା । ତେବେ ଗତ ଜୁଲାଇ ମାସରେ ସେନାର ଇଂଜିନିୟର ଓ ପାଇଲଟମାନଙ୍କ ଏହି ଟିମ ହେଲିକାପ୍ଟରର ତ୍ରୁଟିକୁ ସଜାଡିବାରେ ସକ୍ଷମ ହେବା ସହ ତାହାକୁ ଉଦ୍ଧାର କରିବାକୁ ସକ୍ଷମ ହୋଇଥିଲେ ।