ପୂର୍ବ ଲଦାଖରେ ଭାରତ ଓ ଚୀନ ମଧ୍ୟରେ ପୁଣି ସଂଘର୍ଷ ଖବରକୁ ଭାରତୀୟ ସେନାର ପ୍ରତ୍ୟାଖାନ, ସରକାରଙ୍କୁ ଟାର୍ଗେଟ୍ କଲେ ରାହୁଲ
ନୂଆଦିଲ୍ଲୀ : ପୂର୍ବ ଲଦାଖରେ ଚୀନ୍ର ପିଏଲ୍ଏ ଏବଂ ଭାରତୀୟ ସେନା ମଧ୍ୟରେ ପୁଣି ଏକ ସଂଘର୍ଷ ହୋଇଥିବା ଖବରକୁ ଖଣ୍ଡନ କରିଛି ଭାରତୀୟ ସେନା । ମିଥ୍ୟା ଓ ଭୁଲ ତଥ୍ୟ ଉପରେ ଖବରଟି ପର୍ୟ୍ୟବେସିତ ବୋଲି ସେନା କହିଛି ।
Sambad is now on WhatsApp
Join and get latest news updates delivered to you via WhatsApp
ଏକ ବିବୃତ୍ତିରେ ଭାରତୀୟ ସେନା କହିଛି ଯେ ପ୍ରକୃତ ନିୟନ୍ତ୍ରଣ ରେଖାରେ ଶାନ୍ତି ବଜାୟ ରଖିବାକୁ ଚୀନ୍ ସହିତ ହୋଇଥିବା ବୁଝାମଣା ଭୁଷୁଡ଼ି ପଡ଼ିଥିବା ଖବର ମିଥ୍ୟା ଏବଂ ଭିତ୍ତିହୀନ । ଚଳିତ ବର୍ଷ ଫେବ୍ରୁଆରିରେ ହୋଇଥିବା ବୁଝାମଣା ପରଠାରୁ ଉଭୟ ପକ୍ଷର ସେନା ସ୍ଥିତାବସ୍ଥାର ଉଲ୍ଲଙ୍ଘନ କରିନାହାନ୍ତି । ଅସମାହିତ ପ୍ରସଙ୍ଗଗୁଡ଼ିକର ସମାଧାନ ପାଇଁ ଉଭୟ ପକ୍ଷ ମଧ୍ୟରେ ଆଲୋଚନା ଜାରି ରହିଛି । ତେବେ ସୀମା ସେପଟେ ଥିବା ଚୀନ ସେନାଙ୍କ ଗତିବିଧି ଉପରେ ଭାରତୀୟ ସେନା ସତର୍କ ଦୃଷ୍ଟି ରଖିଛି ।
ସୂଚନାଯୋଗ୍ୟ ଯେ, ପୂର୍ବ ଲଦାଖରେ ପୁଣି ଭାରତ ଓ ଚୀନ ସେନା ମଧ୍ୟରେ ସଂଘର୍ଷ ହୋଇଥିବା ସମ୍ପର୍କିତ ଏକ ରିପୋର୍ଟ ଇଂରାଜୀ ଦୈନିକ ବିଜନେସ ଷ୍ଟାଣ୍ଡାର୍ଡରେ ପ୍ରକାଶ ପାଇଥିଲା । ଏହାକୁ ନେଇ କଂଗ୍ରେସ ନେତା ରାହୁଲ ଗାନ୍ଧି ସରକାରଙ୍କୁ ଟାର୍ଗେଟ କରିଛନ୍ତି । ଏକ ଟ୍ବିଟ୍ କରି ସେ ଲେଖିଛନ୍ତି ଯେ ବର୍ତ୍ତମାନର ସରକାର ନିଜର ରାଜନୈତିକ ଉଦ୍ଦେଶ୍ୟ ପାଇଁ ପ୍ରତିରକ୍ଷା ଓ ବିଦେଶନୀତିକୁ ବ୍ୟବହାର କରୁଛନ୍ତି । ଭାରତ ପୂର୍ବରୁ କେବେ ଏତେ ଦୁର୍ବଳ ହୋଇନଥିଲା ।