ଟିଆରପି ରେଟିଂ ଫିକ୍ସ କରିବା ଲାଗି ଅର୍ଣ୍ଣବ ମତେ ୧୨,୦୦୦ ଡଲାର ଏବଂ ୪୦ ଲକ୍ଷ ଟଙ୍କା ଦେଇଥିଲେ : ବାର୍କର ପୂବର୍ତନ ସିଇଓ
ମୁମ୍ବାଇ: ରିପବ୍ଲିକ ଟିଭି ମୁଖ୍ୟସଂପାଦକ ଅର୍ଣ୍ଣବ ଗୋସ୍ବାମୀ ଦେଉଥିବା ଟଙ୍କାରେ ବିଦେଶ ବୁଲୁଥିଲେ ବ୍ରଡକାଷ୍ଟ ଅଡିଏନ୍ସ ରିସର୍ଚ୍ଚ କାଉନ୍ସିଲ୍ (ବାର୍କ)ର ପୂର୍ବତନ ସିଇଓ ପାର୍ଥ ଦାସଗୁପ୍ତା । ଚାନେଲର ଟିଆରପି ରେଟିଂ ବଢ଼ାଇବା ଅର୍ଥାତ ଜାଲିଆତି କରି ଟିଭି ଦେଖୁଥିବା ଦର୍ଶକଙ୍କ ସଂଖ୍ୟା ବଢ଼ାଇବା ପାଇଁ ଏହି ଅର୍ଥ ଦେଉଥିଲେ ଅର୍ଣ୍ଣବ । ମୁମ୍ବାଇ ପୁଲିସକୁ ଦେଇଥିବା ଏକ ହାତଲେଖା ସ୍ୱୀକାରୋକ୍ତିରେ ଏକଥା ପ୍ରକାଶ କରିଛନ୍ତି ପାର୍ଥ ଦାସଗୁପ୍ତା । ଏଥିରେ ସେ ଲେଖିଛନ୍ତି, ତାଙ୍କ ପରିବାର ବିଦେଶ ବୁଲିବା ପାଇଁ ୩ ବର୍ଷ ଭିତରେ ୧୨,୦୦୦ ଡଲାର ଏବଂ ୪୦ ଲକ୍ଷ ଟଙ୍କା ଦେଇଥିଲେ ରିପବ୍ଲିକ ଟିଭିର ମୁଖ୍ୟସଂପାଦକ ଅର୍ଣ୍ଣବ ଗୋସ୍ୱାମୀ । ଏହାଫଳରେ ଅର୍ଣ୍ଣବଙ୍କ ଅଡ଼ୁଆ କ୍ରମଶଃ ବଢ଼ିବାରେ ଲାଗିଛି।
Sambad is now on WhatsApp
Join and get latest news updates delivered to you via WhatsApp
୨୦୦୪ରୁ ସେ ଅର୍ଣ୍ଣବ ଗୋସ୍ୱାମୀଙ୍କୁ ଜାଣିଥିଲେ ଏବଂ ପାର୍ଥ ୨୦୧୩ରେ ବାର୍କର ସିଇଓ ଭାବେ ଯୋଗ ଦେଲେ । ୨୦୧୭ରେ ଅର୍ଣ୍ଣବ ଗୋସ୍ୱାମୀ ରିପବ୍ଲିକ ଟିଭି ଆରମ୍ଭ କରିବା ପୂର୍ବରୁ ତାଙ୍କ ସହ ଯୋଗାଯୋଗ କରି ପରୋକ୍ଷରେ ସହାୟତା କରିବା ପାଇଁ ପ୍ରବର୍ତ୍ତାଇଥିଲେ । ୨୦୧୭ରୁ ୨୦୧୯ ଭିତରେ ପାର୍ଥଙ୍କ ପରିବାର ବିଦେଶ ବୁଲିବା ପାଇଁ ୪୦ଲକ୍ଷ ଟଙ୍କା ଓ ୧୨,୦୦୦ ଡଲାର ଦେଇଥିଲେ ଅର୍ଣ୍ଣବ ।ଏହା ପ୍ରତିବଦଳରେ ରିପବ୍ଲିକ ଟିଭିର ରେଟିଂ ବଢ଼ାଉଥିଲେ ପାର୍ଥ।
ଏହି ଟଙ୍କାରେ ପାର୍ଥଙ୍କ ପରିବାର ଫ୍ରାନ୍ସ, ସ୍ୱିଜରଲ୍ୟାଣ୍ଡ, ସ୍ୱଡେନ ଏବଂ ଡେନମାର୍କ ବୁଲିବାକୁ ଯାଇଥିଲେ ବୋଲି ତାଙ୍କ ହାତ ଲେଖା ସ୍ୱୀକାର କରିଛନ୍ତି ପାର୍ଥ ।