ମ୍ୟାଲେରିଆ ପାଇଁ ବ୍ୟବହୃତ ଔଷଧ କାମ ଦେଉ ନଥିବାରୁ ଚିନ୍ତାରେ ବିଶେଷଜ୍ଞ
ନୂଆଦିଲ୍ଲୀ: ମ୍ୟାଲେରିଆ ଚିକିତ୍ସା ପାଇଁ ବ୍ୟବହୃତ ହେଉଥିବା ଔଷଧ ଆର୍ଟେମିସିନିନ୍ ପ୍ରଭାବଶାଳୀ ଢଙ୍ଗରେ କାମ କରୁନଥିବାର କିଛି ବିଶେଷଜ୍ଞ କହିଛନ୍ତି | ମ୍ୟାଲେରିଆ ରୋଗୀଙ୍କୁ ଆରୋଗ୍ୟ କରିବାରେ ଏହି ଔଷଧ ପ୍ରଭାବଶାଳୀ ହୋଇପାରୁ ନାହିଁ ବୋଲି ଜଣାପଡିଛି । ବିଭିନ୍ନ ଦେଶରେ ରୋଗୀଙ୍କ ଚିକିତ୍ସା ପାଇଁ ଏହାକୁ ବ୍ୟବହାର କରିବା ପରେ ମିଳିଥିବା ଫଳାଫଳ ଆଧାରରେ ଏହା କୁହାଯାଉଛି | ତାଜା ସୂଚନା ଅନୁସାରେ ଆଫ୍ରିକୀୟ ଦେଶ ରୁୱାଣ୍ଡାରେ ଏହି ଔଷଧ ମ୍ୟାଲେରିଆ ରୋଗୀଙ୍କ ଚିକିତ୍ସାରେ ପ୍ରଭାବହୀନ ହୋଇପଡିଛି।
Sambad is now on WhatsApp
Join and get latest news updates delivered to you via WhatsApp
ଯେତେବେଳେ କୌଣସି ଔଷଧ ଜୀବାଣୁଙ୍କ ଦ୍ୱାରା ବିସ୍ତାର କରାଯାଉଥିବା ରୋଗ ବିରୋଧରେ ପ୍ରଭାବ ଦେଖାଇବା ବନ୍ଦ କରିଦିଏ, ସେତେବେଳେ ପରଜୀବୀ କ୍ଷମତା ବୃଦ୍ଧି କରିଥିବାର କୁହାଯାଇଥାଏ । ତେବେ ରୁୱାଣ୍ଡାରେ, ମ୍ୟାଲେରିଆ ଔଷଧ ଆର୍ଟେମିସିନିନ କାମ କରୁନଥିବା ବିଶ୍ୱରେ ପ୍ରଥମ ଘଟଣା ନୁହେଁ। ଏହାପୂର୍ବରୁ ଦକ୍ଷିଣ-ପୂର୍ବ ଏସିଆର ବିଭିନ୍ନ ସ୍ଥାନରେ ମ୍ୟାଲେରିଆ ଚିକିତ୍ସା ସମୟରେ ପ୍ରାୟ ୮୦ ପ୍ରତିଶତ ରୋଗୀଙ୍କ ଉପରେ ଆର୍ଟେମିସିନିନ୍ ଔଷଧ ପ୍ରଭାବଶାଳୀ ହୋଇପାରି ନଥିଲା।
ବର୍ତ୍ତମାନ ଆଫ୍ରିକାରେ ମଧ୍ୟ ସମାନ ପରିସ୍ଥିତି ଆରମ୍ଭ ହୋଇଛି, ଯାହାକୁ ଚିକିତ୍ସା ଜଗତ ପାଇଁ ଖୁସି ଖବର କୁହାଯାଇପାରିବ ନାହିଁ | ରୁୱାଣ୍ଡାରେ ମିଳିଥିବା ମ୍ୟାଲେରିଆର ନୂତନ ପରଜୀବୀ ଉପରେ ଔଷଧର କୌଣସି ପ୍ରଭାବ ପଡ଼ିନାହିଁ | ଏଭଳି ପରିସ୍ଥିତିରେ, ଏହି ପରଜୀବୀ ଉପରେ ଅନୁସନ୍ଧାନ କରି ଔଷଧ ପ୍ରସ୍ତୁତ କରିବା ଆବଶ୍ୟକତା ହୋଇପଡିଛି |