ଆରୟନ ଖାନ ଓ ତାଙ୍କ ସାଥୀ ଅନ୍ୟ ଅଭିଯୁକ୍ତଙ୍କ ସହ ମିଶି କୌଣସି ଡ୍ରଗ୍ସ ସମ୍ବନ୍ଧିତ ଅପରାଧ ପାଇଁ ଷଡଯନ୍ତ୍ର କରିନଥିଲେ: ବମ୍ବେ ହାଇକୋର୍ଟ
ମୁମ୍ବାଇ: କ୍ରୁଜ ଡ୍ରଗ୍ସ ମାମଲାରେ ଆରୟନ ଖାନ ଓ ତାଙ୍କ ଦୁଇଜଣ ବନ୍ଧୁଙ୍କ ଜାମିନ ମଞ୍ଜୁର କରିବା ପରେ ଶନିବାର ବିସ୍ତୃତ ଭାବେ ନିଷ୍ପତ୍ତିର କପି ଜାରି କରିଛନ୍ତି ବମ୍ବେ ହାଇକୋର୍ଟ । ଏହି କପିରେ କୋର୍ଟ କହିଛନ୍ତି କି ଅଭିଯୁକ୍ତଙ୍କ ବିରୋଧରେ ଏମିତି କିଛି ପ୍ରମାଣ ନାହିଁ ଯାହା ମାଧ୍ୟମରେ ପ୍ରମାଣ କରାଯାଇ ପାରିବ କି ସେମାନେ ଡ୍ରଗ୍ସ ସମ୍ବନ୍ଧିତ କୌଣସି ଅପରାଧ କରିବାକୁ ଷଡଯନ୍ତ୍ର କରୁଥିଲେ ।
Sambad is now on WhatsApp
Join and get latest news updates delivered to you via WhatsApp
ଏହି ମାମଲାରେ କୋର୍ଟ କହିଛନ୍ତି କି, ଆରୟନଙ୍କ ଫୋନରୁ ଯେଉଁ ହ୍ୱାଟସପ୍ ଚାର୍ଟ ସାମ୍ନାକୁ ଆସିଛି ତା ମଧ୍ୟରେ ଏମିତି କିଛି ଆପତ୍ତିଜନକ ଚାର୍ଟ ସାମ୍ନାକୁ ଆସିନାହିଁ ଯାହାଦ୍ୱାରା ଜଣାପଡିବ କି ଏହି ୩ ଜଣ ଅନ୍ୟ ଅଭିଯୁକ୍ତଙ୍କ ସହ ମିଶି କୌଣସି ଅପରାଧ ପାଇଁ ଷଡଯନ୍ତ୍ର କରିଥିଲେ ।
କୋର୍ଟ ତାଙ୍କ ଆଦେଶରେ ଏହା ବି କହିଛନ୍ତି ଯେ, ଏନଡିପିଏସ ଅଧିନିୟମ ଧାରା ୬୭ ମୁତାବକ ଏନସିବି ଦ୍ୱାରା ଦାଖଲ ହୋଇଥିବା ସ୍ୱୀକାରୋକ୍ତିକୁ କେବଳ ମାମଲାର ଯାଞ୍ଚ ପାଇଁ ବ୍ୟବହାର କରାଯାଇପାରିବ । ଏହାକୁ ଅନୁମାନ ଲଗାଇବା କିମ୍ବା ପ୍ରମାଣ କରିବା କ୍ଷେତ୍ରରେ ବ୍ୟବହାର କରାଯାଇପାରିବ ନାହିଁ ବୋଲି କୋର୍ଟ ସ୍ପଷ୍ଟ କରିଛନ୍ତି ।