ଆମେ ପଳାଇବୁ ନାହିଁ, ଆମେ କାପୁରୁଷ ନୁହେଁ : ଓଓ୍ବେସି

ହାଇଦ୍ରାବାଦ: ଏଆଇଏମଆଇଏମ ମୁଖ୍ୟ ଅସଦୁଦ୍ଦିନ ଓୱେସି ଶୁକ୍ରବାର ହୋଲି ସମୟରେ ମୁସଲମାନମାନଙ୍କୁ ଘର ଭିତରେ ରହିବା କିମ୍ବା ନିଜକୁ ଘୋଡ଼ାଇ ରଖିବାର ଆହ୍ୱାନକୁ ସମାଲୋଚନା କରିଛନ୍ତି। ସମ୍ପ୍ରଦାୟର ଶକ୍ତି ଉପରେ ଗୁରୁତ୍ୱ ଦେଇ ଓୱେସି କହିଛନ୍ତି “ ଆମେ ପଳାଇବୁ ନାହିଁ, ଆମେ କାପୁରୁଷ ନୁହଁ। କିଛି ଲୋକ କୁହନ୍ତି ଯେ ଯଦି ଆପଣ ଏତେ ଭୟଭୀତ ଅଛନ୍ତି, ତେବେ ଆପଣ ପ୍ରାର୍ଥନା କରିବା ଉଚିତ ନୁହେଁ ଏବଂ ଘର ଭିତରେ ରହିବା ଉଚିତ୍ । ସେମାନେ କହନ୍ତି ଯେ ଯେପରି ଆମେ ଆମର ମସଜିଦଗୁଡ଼ିକୁ କଭର କରିଛୁ, ଆମେ ମଧ୍ୟ ନିଜକୁ ଘୋଡ଼ାଇ ରଖିବା ଉଚିତ୍, କିମ୍ବା ଘର ଭିତରେ ରହିବା ଉଚିତ୍ ।“

ଯଦି ସେମାନେ ହୋଲି ସମୟରେ ରଙ୍ଗ ଲଗାଇବାକୁ ଚାହୁଁନାହାଁନ୍ତି, ତେବେ ସେମାନେ ଘର ଭିତରେ ରହିବାକୁ ମୁସଲମାନମାନଙ୍କୁ ପରାମର୍ଶ ଦେଇ କିଛି ଅଧିକାରୀ ଦେଇଥିବା ବୟାନର ଜବାବରେ ଓୱେସୀ ଏହି ମନ୍ତବ୍ୟ ଦେଇଛନ୍ତି। ଉତ୍ତର ପ୍ରଦେଶର ସମ୍ଭାଲରେ ସର୍କଲ ଅଫିସର ଅନୁଜ ଚୌଧୁରୀ ମାର୍ଚ୍ଚ ୬ ତାରିଖରେ ପରାମର୍ଶ ଦେଇଥିଲେ ଯେ ଯେଉଁମାନେ ରଙ୍ଗକୁ ନେଇ ଅସହଜ ଅଛନ୍ତି ସେମାନେ ଭିତରେ ରହିବା ଉଚିତ, ଯାହାକୁ ପରେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ସମର୍ଥନ କରିଥିଲେ। ହୋଲି ପାଳନ ସମୟରେ ଯେପରି କୌଣସି ଅପ୍ରୀତିକର ଘଟଣା ନ ଘଟେ ସେଥିପାଇଁ ସ୍ଥାନୀୟ ପ୍ରଶାସନର ନିର୍ଦ୍ଦେଶକ୍ରମେ ଉତ୍ତରପ୍ରଦେଶର ଅନେକ ମସଜିଦକୁ ତାରପାଳରେ ଢାଙ୍କି ଦିଆଯାଇଥିଲା।