ଜୟପୁର: ଦୁଇ ଦିନ ଧରି ଯୋଧପୁରର ଏକ ଡାକ୍ତରଖାନାରେ କୋଭିଡ -୧୯ ର ଚିକିତ୍ସା ପରେ ସୁରକ୍ଷା ଦୃଷ୍ଟିରୁ ଆଶାରାମ ବାପୁଙ୍କୁ ଯୋଧପୁର ଏମ୍ସକୁ ସ୍ଥାନାନ୍ତର କରାଯାଇଛି। ଏମଜି ହସ୍ପିଟାଲର ଡାକ୍ତରମାନେ କହିଛନ୍ତି ଯେ ଆଶାରାମଙ୍କ ଅବସ୍ଥା ସ୍ଥିର ରହିଛି। ଜଣେ ନାବାଳିକାଙ୍କୁ ଯୌନ ନିର୍ଯାତନା ଅଭିଯୋଗରେ ସେ ଜେଲରେ ଅଛନ୍ତି।
Sambad is now on WhatsApp
Join and get latest news updates delivered to you via WhatsApp
ଶୁକ୍ରବାର ରାତିରେ ତାଙ୍କୁ ଅଲ୍ ଇଣ୍ଡିଆ ଇନଷ୍ଟିଚ୍ୟୁଟ୍ ଅଫ୍ ମେଡିକାଲ ସାଇନ୍ସକୁ ଅଣାଯାଇଥିଲା ଏବଂ ସ୍ଥାନାନ୍ତର ହେବା ପଛରେ ସୁରକ୍ଷା କାରଣ ଦର୍ଶାଇଛି। ପୁଲିସ ଅଧିକାରୀ କହିଛନ୍ତି, ଯେହେତୁ ଆଶାରାମ ବାପୁଙ୍କୁ ଏମଜି ହସ୍ପିଟାଲରେ ଭର୍ତ୍ତି କରାଯାଇଥିଲା, ତେଣୁ ତାଙ୍କ ଅନୁଗାମୀମାନେ ଦର୍ଶନ ପାଇବା ପାଇଁ ଡାକ୍ତରଖାନା ଭିତରକୁ ପଶି ଆସିବାକୁ ଚେଷ୍ଟା କରୁଥିଲେ।
ତେଣୁ, ଏହାକୁ ଏକ ବିପଦ ଭାବରେ ବିବେଚନା କରି ଆମେ ଏମ୍ସ ପଠାଇବାକୁ ଚିନ୍ତା କଲୁ ଯେଉଁଠାରେ ଭକ୍ତ ତାଙ୍କ ପାଖକୁ ଆସିବା ସମ୍ଭବ ନୁହେଁ’। ଡାକ୍ତରଙ୍କ କହିବାନୁସାରେ, ୮୦ ବର୍ଷ ବୟସ୍କ ଆଶାରାମଙ୍କୁ ନିଶ୍ୱାସ ପ୍ରଶ୍ୱାସ ନେବାରେ ଅସୁବିଧା ହେବାରୁ ଗୁରୁବାର ରାତିରେ ତାଙ୍କୁ ଏମଜି ଡାକ୍ତରଖାନାକୁ ଅଣାଯାଇଥିଲା। ଦୁଇ ଦିନ ପୂର୍ବରୁ ତାଙ୍କର କରୋନା ପଜିଟିଭ ଚିହ୍ନଟ ହୋଇଥିବାରୁ ତାଙ୍କର ଚିକିତ୍ସା ଆରମ୍ଭ ହୋଇଥିଲା।