ଏସିଆନ୍ ପାର୍ଲାମେଣ୍ଟ୍ରି ଆସେମ୍ଲି ମିଟ୍, ପାକିସ୍ତାନକୁ ଭର୍ତ୍ସନା କଲେ ଥରୁର୍
ନୂଆଦିଲ୍ଲୀ: ଏସିଆନ୍ ପାର୍ଲାମେଣ୍ଟ୍ରି ଆସେମ୍ଲି (ଏପିଏ) ବୈଠକରେ ପାକିସ୍ତାନ କଶ୍ମୀର ପ୍ରସଙ୍ଗ ଉଠାଇବାରୁ ଏହାକୁ ଭର୍ତ୍ସନା କରିଛନ୍ତି କଂଗ୍ରେସର ବରିଷ୍ଠ ନେତା ଶଶି ଥରୁର। ଏପିଏ ସମ୍ମିଳନୀ ସର୍ବିୟାର ରାଜଧାନୀ ବେଲ୍ଗ୍ରେଡରେ ଅନୁଷ୍ଠିତ ହୋଇଛି। ଏଥିରେ ପାକିସ୍ତାନ ଜମ୍ମୁ-କଶ୍ମୀର ପ୍ରସଙ୍ଗ ଉଠାଇ ଭାରତ ସ୍ଥାନୀୟ ଲୋକଙ୍କୁ ଘୋର ଦୁର୍ଦ୍ଦିନରେ ଅତ୍ୟାଚାରିତ କରି ରଖିଛି ବୋଲି କହିବାରୁ ଏହାକୁ ଥରୁର କଡ଼ା ସମାଲୋଚନା କରିଥିଲେ। ପାକିସ୍ତାନର ମିଥ୍ୟା ଓ ବିଭ୍ରାନ୍ତି ସୀମା ଟପିଯାଉଛି ଏବଂ ଭାରତର ଆନ୍ତରିକ ମାମଲାକୁ ଏଭଳି ମଂଚରେ ଉଠାଇବା ଆଦୌ ଗ୍ରହଣୀୟ ନୁହେଁ ବୋଲି ସେ କହିଥିଲେ। ପାକିସ୍ତାନ ବିଭିନ୍ନ ଅନ୍ତର୍ଜାତୀୟ ମଂଚର ଦୁରୁପଯୋଗ କରୁଥିବାରୁ ଏହାକୁ ରୋକାଯିବା ଜରୁରୀ ହୋଇପଡ଼ିଛି ବୋଲି ସେ କହିଥିଲେ।