ପ୍ରଧାନମନ୍ତ୍ରୀ ମୋଦୀ କିଭଳି ଯାତ୍ରା କରୁଛନ୍ତି ବିଜେପିକୁ ପଚାର: ସିଦ୍ଦରମୈୟା

ନୂଆଦିଲ୍ଲୀ: କର୍ଣ୍ଣାଟକ ମୁଖ୍ୟମନ୍ତ୍ରୀ ସିଦ୍ଦରମୈୟା ବିଳାସପୂର୍ଣ୍ଣ ଘରୋଇ ବିମାନରେ ଯାତ୍ରା କରୁଥିବାର ଏକ ଭିଡିଓକୁ ବିଭିନ୍ନ ସାମାଜିକ ଗଣମାଧ୍ୟମରେ ବହୁଳ ପ୍ରସାରିତ ହୋଇଥିଲା। ଏହି ଘଟଣାରେ ସମାଲୋଚିତ ହୋଇଥିବା ସିଦ୍ଦରମୈୟା ଗଣମାଧ୍ୟମକ ପ୍ରଶ୍ନର ପ୍ରତିକ୍ରିୟାରେ କହିଛନ୍ତି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କେଉଁ ଭଳି ବିମାନରେ ଯାତ୍ରା କରୁଛନ୍ତି ସେକଥା ବିଜେପିକୁ ପଚାରନ୍ତୁ ।

ସିଦ୍ଦରମୈୟା କହିଛନ୍ତି, ସେ ଏକୁଟିଆ ଏଭଳି ବିମାନରେ ଯାତ୍ରା କରୁନାହାନ୍ତି। ଭାରତୀୟ ଜନତା ପାର୍ଟି ଓ ଦଳର ସଦସ୍ୟଙ୍କୁ ପଚାରନ୍ତୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କିଭଳି ବିଳାସପୂର୍ଣ୍ଣ ବିମାନରେ ଯାତ୍ରା କରୁଛନ୍ତି। ସୂଚନାଯୋଗ୍ୟ, ରାଜ୍ୟର ସାଂପ୍ରତିକ ମରୁଡ଼ି ପରିସ୍ଥିତିର ମୁକାବିଲା ପାଇଁ କେନ୍ଦ୍ରୀୟ ସହାୟତା ମାଗିବାକୁ ସିଦ୍ଦରମୈୟା ଓ ତାଙ୍କ ମନ୍ତ୍ରୀ ବିଜେ ଜମୀର ଅହମ୍ମଦ ଖାଁ ଏକ ଘରୋଇ ବିମାନ‌ରେ ଦିଲ୍ଲୀ ଯାତ୍ରା କରିଥିଲେ। ଏହାର ଏକ ଭିଡ଼ିଓକୁ ବିଜେପି ନେତା ଅମିତ ମାଲବ୍ୟ ଏକ୍ସ ରେ ପୋଷ୍ଟ୍‌ କରି କଟାକ୍ଷ କରିଥିଲେ।