ଗୌହାଟୀ : ମହାରାଷ୍ଟ୍ରରେ ଚାଲିଥିବା ରାଜନୈତିକ ସଂକଟ ଏବେ ସାରା ଦେଶରେ ଚର୍ଚ୍ଚାର ବିଷୟ ହୋଇଛି । ତେବେ ଏହି ଚର୍ଚ୍ଚା ମଧ୍ୟକୁ ଟାଣି ହୋଇଯାଇଛି ଆସାମ । କାରଣ ଆସାମର ରାଜଧାନୀ ଗୌହାଟୀରେ ଥିବା ଏକ ପଞ୍ଚତାରକା ହୋଟେଲ ରାଡିସନ ବ୍ଲୁରେ ରହୁଛନ୍ତି ମହାରାଷ୍ଟ୍ରର ବିଦ୍ରୋହୀ ବିଧାୟକ । କୁହାଯାଉଛି ୬୫ ଲକ୍ଷ ବିନିମୟରେ ହୋଟେଲର ୭୦ଟି ରୁମ ବୁକ ହୋଇଛି ।
Sambad is now on WhatsApp
Join and get latest news updates delivered to you via WhatsApp
ଶିବସେନାର ବିଦ୍ରୋହୀ ବିଧାୟକମାନଙ୍କୁ ଆତିଥେୟତା ପ୍ରଦାନ କରି ବିବାଦ ଘେରକୁ ଟାଣି ହୋଇଯାଇଛନ୍ତି ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ବ ଶର୍ମା । ବିଜେପି ଓ ଆସାମ ସରକାରଙ୍କ ପକ୍ଷରୁ ସେମାନଙ୍କ ଖର୍ଚ୍ଚ ବହନ କରାଯିବା ସହ ସେମାନଙ୍କୁ ସୁରକ୍ଷା ପ୍ରଦାନ କରାଯାଉଛି ବୋଲି ଶିବସେନା, କଂଗ୍ରେସ ଓ ଏନସିପି ପକ୍ଷରୁ ଅଭିଯୋଗ କରାଯାଇଛି ।
ଏହି ଅଭିଯୋଗ ପରେ ମୁହଁ ଖୋଲିଛନ୍ତି ହିମନ୍ତ । ସେ କହିଛନ୍ତି ଗୌହାଟୀରେ ରହୁଥିବା ଶିବସେନା ବିଧାୟକଙ୍କ ପାଇଁ ବିଜେପି କିମ୍ବା ଆସାମ ସରକାର ଟଙ୍କାଟିଏ ମଧ୍ୟ ବ୍ୟୟ କରୁନାହାନ୍ତି । ମହାରାଷ୍ଟ୍ରରେ କଣ ରାଜନୀତି ହେଉଛି ତାହା ସହ ଆମର କୌଣସି ସମର୍କ ନାହିଁ । ଆମର କର୍ତ୍ତବ୍ୟ ହେଉଛି ଆମ ରାଜ୍ୟରେ ଥିବା ହୋଟେଲକୁ କୌଣସି ଅତିଥି ଆସିଲେ ସେମାନଙ୍କୁ ସୁରକ୍ଷିତ ଓ ଆରାମଦାୟକ ରହଣି ପ୍ରଦାନ କରିବା । କଂଗ୍ରେସ ବିଧାୟକମାନେ ଆସିଲେ ବି ଆମେ ସେୟା କରିବୁ ।