ଏନଆରସି ତାଲିକା : ବାଦ ପଡିଥିବା ଭାରତୀୟ ନାଗରିକଙ୍କୁ ଆଇନଗତ ସହାୟତା ଯୋଗାଇଦେବେ ଆସାମ ସରକାର
ଗୌହାଟୀ: ଆଜି ପ୍ରକାଶିତ ଚିଠା ସଂପୂର୍ଣ୍ଣ ଏନଆରସି ତାଲିକାରେ ଅନେକ ଭାରତୀୟଙ୍କ ନାଁ ମଧ୍ୟ ବାଦପଡିଛି ବୋଲି ଆସାମ ସରକାର ସ୍ୱୀକାର କରିଛନ୍ତି । କିନ୍ତୁ ସେମାନେ ଚିନ୍ତିତ ନହୋଇ ଫରେନର୍ସ ଟ୍ରିବୁନାଲ(ଏଫଟି) (ବିଦେଶୀ ନାଗରିକ ଟ୍ରିବୁନାଲ) ରେ ଆବେଦନ କରିପାରିବେ ବୋଲି ଆସାମର ସଂସଦୀୟ ବ୍ୟାପାର ମନ୍ତ୍ରୀ ଚନ୍ଦ୍ର ମୋହନ ପଟ୍ଟଓ୍ଵରୀ କହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସେ କହିଛନ୍ତି ଯେ ବାଦ ପଡିଥିବା ଲୋକମାନେ ଯଦି ଟ୍ରିବୁନାଲରେ ଆବେଦନ କରିବାକୁ ଚାହିଁବେ, ସେମାନଙ୍କୁ ଆବଶ୍ୟକ ଆଇନଗତ ସହାୟତା ରାଜ୍ୟ ସରକାର ଯୋଗାଇଦେବେ । ସେ ମଧ୍ୟ କହିଛନ୍ତି ଯେ ଏଥର ଏଫଟି ସଂଖ୍ୟା ବଢେଇଦିଆଯାଇଛି । ପୂର୍ବରୁ ୧୦୦ଟି ଏଫଟି କାର୍ଯ୍ୟକରୁଥିବାବେଳେ ଏବା ତାହାକୁ ୩୦୦କୁ ବୃଦ୍ଧି କରାଯାଇଛି । ନୂଆ ଏଫଟିଗୁଡ଼ିକ ଆସନ୍ତା ସୋମବାରଠାରୁ କାର୍ଯ୍ୟକ୍ଷମ ହେବ । ଏହା ଲୋକମାନେ ସହଜରେ ଆବେଦନ କରିପାରିବେ ବୋଲି ସେ କହିଛନ୍ତି । ସେ କହିଛନ୍ତି ଯେ ଚିଠା ତାଲିକାରୁ ବାଦ ପଡିଥିବା ଲୋକମାନଙ୍କ କାଗଜପତ୍ରକୁ ପୁଣିଥରେ ଯାଞ୍ଚ କରାଯାଉଛି । ଯଦି କାଗଜପତ୍ର ଠିକ ଅଛି ତେବେ ସେହି ଲୋକମାନଙ୍କୁ ତାଲିକାରେ ଅନ୍ତର୍ଭୁକ୍ତ କରିବାକୁ ପଦକ୍ଷେପ ନିଆଯାଉଛି ।