ଓଡ଼ିଶା ଉପକୂଳରେ ଅସ୍ତ୍ର ମିସାଇଲ୍ର ସଫଳ ପରୀକ୍ଷଣ, ସୁଖୋଇ ବିମାନରୁ ନିକ୍ଷେପ କରାଗଲା
ନୂଆଦିଲ୍ଲୀ: ଭାରତୀୟ ବାୟୁସେନା ସୋମବାର ଓଡ଼ିଶା ଉପକୂଳରେ ଏୟାର-ଟୁ-ଏୟାର ମିସାଇଲ ଅସ୍ତ୍ରର ସଫଳ ଭାବେ ପରୀକ୍ଷଣ କରିଛି । ଏହାର ଏକ ଭିଡିଓ ବି ଜାରି କରାଯାଇଛି। ସୁଖୋଇ-୩୦ ବିମାନରୁ ଏହି ମିସାଇଲର ବ୍ୟବହାରିକ ପରୀକ୍ଷଣ କରାଯାଇଥିଲା।
Sambad is now on WhatsApp
Join and get latest news updates delivered to you via WhatsApp
VIDEO: Today’s Astra beyond visual range air-to-air missile user flight test by the IAF from a Su-30 MKI. pic.twitter.com/q9vMF3Y2M9
— Livefist (@livefist) September 17, 2019
ପ୍ରତିରକ୍ଷା ମନ୍ତ୍ରାଳୟ ପକ୍ଷରୁ ପ୍ରକାଶ, ଏହା ବାୟୁରେ ସିଧାସଳଖ ସୁନିଶ୍ଚିତ ଲକ୍ଷ୍ୟଭେଦ କରୁଥିବା ଭାରତର ପ୍ରଥମ ସ୍ୱଦେଶୀ ଏୟାର-ଟୁ-ଏୟାର ମିସାଇଲ। ଏହି ମିସାଇଲ୍କୁ ପରୀକ୍ଷଣ ସମୟରେ ଯେତିକି ସଫଳତାର ଆଶା ରଖାଯାଇଥିଲା ସେତିକି ସଫଳ ହୋଇଛି। ବିଭିନ୍ନ ର୍ୟାଡର, ଇଲେକ୍ଟ୍ରୋ ଅପ୍ଟିକଲ ଟ୍ରାକିଂ ସିଷ୍ଟମ (ଇଓଟିଏସ୍) ଓ ସେନ୍ସର ଦ୍ବାରା ମିସାଇଲ୍କୁ ଟ୍ରାକ୍ କରିବା ସହିତ ଲକ୍ଷ୍ୟଭେଦ ଉପରେ ନଜର ରଖାଯାଇଥିଲା। ଅସ୍ତ୍ର ନିର୍ଭୁଲ ଭାବେ ଲକ୍ଷ୍ୟକୁ ଯାଇ ମାଡ କରିଥିଲା।
ଅସ୍ତ୍ର ଏକ ସ୍ୱଦେଶୀ ବିଅଣ୍ଡ ଭିଜୁଆଲ ରେଞ୍ଚ ଏୟାର-ଟୁ-ଏୟାର ମିସାଇଲ। ଏହାର ଲକ୍ଷ୍ୟଭେଦ ସୀମା ୭୦କିମିରୁ ଅଧିକ ରହିଛି। ଏହି ମିସାଇଲ୍ ପ୍ରତିଘଣ୍ଟା ୫,୫୫୫ କିଲୋମିଟର ବେଗରେ ଉଡି ନିଜ ଲକ୍ଷ୍ୟରେ ପହଁଞ୍ଚି ପାରିବ।