ରେଳ ମନ୍ତ୍ରାଳୟର ଇତିହାସରେ ପ୍ରଥମ: ଏକାସାଙ୍ଗରେ ୧୯ ଜଣ ବରିଷ୍ଠ ଅଧିକାରୀଙ୍କୁ ବିଦା କଲେ ରେଳମନ୍ତ୍ରୀ
ନୂଆଦିଲ୍ଲୀ: ଆକ୍ସନ ମୁଡରେ କେନ୍ଦ୍ର ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ | କାର୍ଯ୍ୟରେ ଅବହେଳା ପାଇଁ ଆଜି ରେଳ ମନ୍ତ୍ରାଳୟ ଏକକାଳୀନ ୧୯ଜଣ ଅଧିକାରୀଙ୍କ ବିରୁଦ୍ଧରେ ସବୁଠୁ ବଡ କାର୍ଯ୍ୟାନୁଷ୍ଠାନ ଗ୍ରହଣ କରି ବିଦା କରିଛି | ଖରାପ ପ୍ରଦର୍ଶନ କରୁଥିବା ଅଧିକାରୀଙ୍କୁ ଆଜି ବାଧ୍ୟତାମୂଳକ ଅବସର ଦିଆଯାଇଛି | ତେବେ ବଡ କଥା ଯେ ବାଧ୍ୟତାମୂଳକ ଅବସର ଦିଆଯାଇଥିବା ଏହି କର୍ମଚାରୀଙ୍କ ତାଲିକାରେ ୧୦ ଜଣ ଅଧିକାରୀ ଯୁଗ୍ମ ସଚିବ ସ୍ତରର ରହିଛନ୍ତି |
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ ରେଳ ମନ୍ତ୍ରାଳୟର ଦାୟିତ୍ୱ ଗ୍ରହଣ କରିବା ପରେ ଅଶ୍ୱିନୀ ବୈଷ୍ଣବ ସ୍ପଷ୍ଟ ଭାବରେ କହିଥିଲେ ଯେ କର୍ମଚାରୀମାନଙ୍କୁ କାମ କରିବାକୁ ପଡିବ କିମ୍ବା ସେମାନଙ୍କୁ ଘରେ ବସାଇ ଦିଆଯିବ। ଗତ ୧୧ ମାସ ମଧ୍ୟରେ ୯୬ ଜଣ ଅଧିକାରୀଙ୍କୁ ଭିଆରଏସ(ବାଧ୍ୟତାମୂଳକ ଅବସର) ଦିଆଯାଇଛି | କୁହାଯାଉଛି ଯେ ଏହି ସମସ୍ତ ଅଧିକାରୀ କେନ୍ଦ୍ରୀୟ ରେଳବାଇ, ପଶ୍ଚିମ ରେଳବାଇ, ଉତ୍ତର ଫ୍ରଣ୍ଟ ରେଳବାଇ, ପୂର୍ବ ରେଳବାଇ, ଦକ୍ଷିଣ ପଶ୍ଚିମ ରେଳବାଇ, ଉତ୍ତର କେନ୍ଦ୍ରୀୟ ରେଳବାଇ ଏବଂ ଉତ୍ତର ରେଳବାଇରେ ଥିଲେ ।
ସରକାରୀ ସୂତ୍ରରୁ ପ୍ରକାଶ ଯେ ଯେଉଁମାନଙ୍କୁ ଅବସର ଦିଆଯାଇଛି ସେମାନଙ୍କ ମଧ୍ୟରେ ମେଡିକାଲ ଏବଂ ସିଭିଲରୁ ତିନିଜଣ, ବୈଦ୍ୟୁତିକ ଏବଂ ସିଗନାଲରୁ ଚାରିଜଣ, ଟ୍ରାଫିକ ଏବଂ ମେକାନିକାଲରୁ ଜଣେ ଅଧିକାରୀ ରହିଛନ୍ତି । ୨୦୧୯ ମସିହାରେ ମଧ୍ୟ, ରେଳବାଇ ୫୦ ବର୍ଷରୁ ଅଧିକ ୩୨ ଜଣ ଅଧିକାରୀଙ୍କୁ ଭିଆରଏସ ଦେଇଥିଲା | ଜାନୁଆରୀରେ, ୧୧ ଜଣ ଅଧିକାରୀ ଭିଆରଏସ ନେଇଥିଲେ |