ଉପହାର ଆକାରରେ ପ୍ରଧାନମନ୍ତ୍ରୀ ମୋଦୀଙ୍କୁ ମିଳିଲା ମେସିଙ୍କ ଜର୍ସି

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସୋମବାର ଦିନ ଆର୍ଜେଣ୍ଟିନାର ପେଟ୍ରୋଲିୟମ କମ୍ପାନି ୱାଇପିଏଫର ସଭାପତି ପାବଲୋ ଗୋଞ୍ଜାଲେଜଙ୍କୁ ଭେଟିଥିଲେ। ଏହି ଅବସରରେ ମୋଦୀଜୀଙ୍କୁ ବିଶେଷ ଉପହାର ସ୍ୱରୂପ ଫୁଟବଲ କିମ୍ବଦନ୍ତୀ ଲିଓନେଲ ମେସିଙ୍କ ଏକ ଜର୍ସି ଦିଆଯାଇଥିବା ଜଣାପଡ଼ିଛି। ଏହାର ଫଟୋ ମଧ୍ୟ ସାମ୍ନାକୁ ଆସିଛି। ନିଉଜ୍ ଏଜେନ୍ସି ଏଏନଆଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ପାବଲୋ ଗୋଞ୍ଜାଲେଜ ଜର୍ସି ଧରିଥିବାର ଫଟୋ ଟ୍ବିଟ କରିଛି।

Pablo Gonzalez, President of YPF from Argentina, gifted a Lionel Messi football jersey to PM Modi on the sidelines of the India Energy Week in Bengaluru pic.twitter.com/45SegRxfYR

— ANI (@ANI) February 6, 2023

ବେଙ୍ଗାଲୁରୁରେ ଚାଲିଥିବା ଇଣ୍ଡିଆ ଏନର୍ଜି ୱିକରେ ଶେଷ ଭାଷଣ ଦେବା ପରେ ୱାଇପିଏଫର ସଭାପତି, ପ୍ରଧାନମନ୍ତ୍ରୀ ମୋଦୀଙ୍କୁ ମେସିଙ୍କ ଜର୍ସି ହସ୍ତାନ୍ତର କରିଛନ୍ତି।

ବୈଦେଶିକ ବ୍ୟାପାର ମନ୍ତ୍ରୀ ଏସ ଜୟଶଙ୍କର ମଧ୍ୟ ଟ୍ୱିଟରରେ ଏକ ଫଟୋ ସେୟାର କରିଛନ୍ତି ଯେଉଁଥିରେ ଆର୍ଜେଣ୍ଟିନାର ବିଜ୍ଞାନ, କାରିଗରୀ ବିଦ୍ୟା ଓ ଉଦ୍ଭାବନ ମନ୍ତ୍ରୀ ଡାନିଏଲ ଫିଲ୍ମସ, ତାଙ୍କୁ ମେସିଙ୍କ ଜର୍ସି ଦେଇ ସ୍ବାଗତ କରୁଥିବା ଦେଖିବାକୁ ମିଳିଛି।

Glad to meet Minister of S&T and Innovation of Argentina @FilmusDaniel.

Discussed our cooperation in atomic energy,space,digital,defense &biotechnology.

Underlined the potential for expanding trade,investment &collaboration and serving as an example of south-south cooperation. pic.twitter.com/zvnCrVUsPi

— Dr. S. Jaishankar (@DrSJaishankar) February 6, 2023