ହିମାଚଳ ପ୍ରଦେଶରେ ପ୍ରବଳ ତୁଷାରପାତ, ପର୍ଯ୍ୟଟକଙ୍କ ଲାଗି ଅଟଳ ଟନେଲ ବନ୍ଦ

କୁଲ୍ଲୁ: ହିମାଚଳ ପ୍ରଦେଶରେ ପାଗରେ ପରିବର୍ତ୍ତନ ପରେ ପାହାଡ଼ ଏବେ ବରଫ ଚାଦରରେ ଆଚ୍ଛାଦିତ ହୋଇଛି। ଏଭଳି ସ୍ଥିତିରେ ଲାହୋଲ ଉପତ୍ୟକା ଓ ମନାଲିର ଉପର ଅଞ୍ଚଳରେ ତୁଷାରପାତ ଜାରି ରହିଛି। ଯଦି ଆମେ ଅଟଳ ଟନେଲ ରୋହତାଙ୍ଗ ବିଷୟରେ କହିବା ତେବେ ମଙ୍ଗଳବାର ସନ୍ଧ୍ୟାରୁ ଟନେଲର ଦକ୍ଷିଣ ଦ୍ୱାରରେ ପ୍ରବଳ ତୁଷାରପାତ ହୋଇଛି । ଏଭଳି ସ୍ଥିତିରେ କୁଲୁ ଜିଲ୍ଲା ପ୍ରଶାସନ ଆଉ ପର୍ଯ୍ୟଟକଙ୍କ ଗାଡ଼ିକୁ ସୋଲାଙ୍ଗ ନାଲା ବାହାରକୁ ଯିବାକୁ ଅନୁମତି ଦେଉନାହିଁ। ଏହାକୁ ସାମୟିକଭାବେ ବନ୍ଦ କରାଯାଇଛି । 

ଗତକାଲି ତୁଷାରପାତ ଯୋଗୁଁ ଅନେକ ପର୍ଯ୍ୟଟକଙ୍କ ଗାଡ଼ି ଅଟଳ ଟନେଲରେ ଅଟକି ରହିଥିଲା। ଏଭଳି ସ୍ଥିତିରେ ସମସ୍ତ ପର୍ଯ୍ୟଟକଙ୍କୁ ମନାଲି ପୁଲିସ ସୁରକ୍ଷିତ ଭାବେ ଅଟଳ ଟନେଲରୁ ମନାଲି ଅଭିମୁଖେ ପଠାଇଥିଲା। ତେବେ ରାସ୍ତା ଖରାପ ଥିବାରୁ ରାସ୍ତା କଡ଼ରେ ବହୁ ପର୍ଯ୍ୟଟକ ଗାଡ଼ି ପାର୍କିଂ କରାଯାଇ ପର୍ଯ୍ୟଟକଙ୍କୁ ସୁରକ୍ଷିତ ସ୍ଥାନକୁ ପଠାଯାଇଥିଲା।

କୁଲୁ ଡେପୁଟି କମିଶନର  ତୋରୁଲ ଏସ ରବିଶ କହିଛନ୍ତି ଯେ ଆଗାମୀ ଦିନରେ ମଧ୍ୟ ଉପତ୍ୟକାରେ ବର୍ଷା ଏବଂ ତୁଷାରପାତ ପାଇଁ ୟେଲୋ ଆଲର୍ଟ ଜାରି କରାଯାଇଛି । ଏହାକୁ ଦୃଷ୍ଟିରେ ରଖି ଅଟଳ ଟନେଲ ରୋହତାଙ୍ଗକୁ କିଛି ଦିନ ପାଇଁ ପର୍ଯ୍ୟଟକଙ୍କ ପାଇଁ ବନ୍ଦ ରଖିବାକୁ ନିର୍ଦ୍ଦେଶ ଦିଆଯାଇଛି।