ଏଟିଏମ୍ ସମସ୍ୟା ସାମୟିକ, ବଜାରରେ ଯଥେଷ୍ଟ ନଗଦ ଟଙ୍କା ରହିଛି: ଜେଟଲୀ

ନୂଆଦିଲ୍ଲୀ: ଦେଶର ଏଟିଏମଗୁଡ଼ିକରେ ଦେଖାଯାଇଥିବା ନଗଦ ଅର୍ଥ ସଂକଟ ପରେ ସାରା ଦେଶରେ ପୁଣି ବିମୁଦ୍ରାୟନ ସମୟ କଥା ମନେ ପଡିଯାଉଛି । ତେବେ ଲୋକଙ୍କ ଏହି ଆଶଙ୍କା ଭିତ୍ତିହୀନ ବୋଲି କହିଛନ୍ତି ଅର୍ଥମନ୍ତ୍ରୀ ଅରୁଣ ଜେଟଲୀ । ଦେଶର ବ୍ୟାଙ୍କ ଗୁଡ଼ିକରେ ଯଥେଷ୍ଟ ପରିମାଣରେ ଟଙ୍କା ମହଜୁଦ ଅଛି । ଦେଶର କେତେକ ଅଂଚଳରେ ନୋଟ ଚାହିଦା ହଠାତ ବଢିଯିବାରୁ ଏହି ସମସ୍ୟା ସୃଷ୍ଟି ହୋଇଛି । କିନ୍ତୁ ଏହି ସମସ୍ୟା ସାମୟିକ ଓ ଖବଶୀଘ୍ର ଏହି ସମସ୍ୟାର ସମାଧାନ ହୋଇଯିବ ବୋଲି ଜେଟଲୀ କହିଛନ୍ତି ।

Have reviewed the currency situation in the country. Over all there is more than adequate currency in circulation and also available with the Banks. The temporary shortage caused by ‘sudden and unusual increase’ in some areas is being tackled quickly.

— Arun Jaitley (@arunjaitley) April 17, 2018

ଗତ ସୋମବାରଦିନ ମହାରାଷ୍ଟ୍ର, ବିହାର ଓ ଗୁଜୁରାଟରେ ଏପରି ସମସ୍ୟା ଦେଖଦେଇଥିଲା । ଏହା ପୂର୍ବରୁ ଗତ ମାସରେ ତେଲେଙ୍ଗାନା ଓ ଆନ୍ଧ୍ର ପ୍ରଦେଶର କେତେକ ସ୍ଥାନରେ ଏଟିଏମରେ ଟଙ୍କା ସମସ୍ୟା ଦେଖାଯାଇଥିଲା । ଆଜି ଅର୍ଥାତ ମଙ୍ଗଳବାରଦିନ ମଧ୍ୟ ଦେଶର ବିଭିନ୍ନ ଅଂଚଳରୁ ଏ ନେଇ ଅଭିଯୋଗ ମିଳୁଛି । ଅନ୍ୟପକ୍ଷରେ ଏପ୍ରିଲ ୬ ସୁଦ୍ଧା ଦେଶର ଅର୍ଥବ୍ୟବସ୍ଥାରେ ପ୍ରାୟ ୧୮.୧୭ ଲକ୍ଷ କୋଟିର ନଗଦ ଅର୍ଥ ରହିଥିଲା, ଯାହାକି ବିମୁଦ୍ରାୟମ ସମୟରେ ଅର୍ଥ ବ୍ୟବସ୍ଥରେ ଥିବା ନଗଦ ଟଙ୍କା ସହିତ ପ୍ରାୟ ସମାନ । ଆହୁରି ମଧ୍ୟଦେଶରେ ୨ହଜାର ଟଙ୍କିଆ ନୋଟ ଉଭାନ ହବା ନେଇ ଗୁଜବ ପ୍ରଚାରିତ ହୋଇଛି ।