ତଥ୍ୟ ଲିକ ଅଭିଯୋଗରେ ସେବାନିବୃତ ଯବାନଙ୍କୁ ଗିରଫ କଲା ଏଟିଏସ
ନୂଆଦିଲ୍ଲୀ: ସେନାର ତଥ୍ୟ ଲିକ ଅଭିଯୋଗରେ ଗିରଫ ହେଲେ ସେନାର ପୂର୍ବତନ ଯବାନ | ଶୁକ୍ରବାର ଦିନ ମେରଟ ଏଟିଏସ(ଆଣ୍ଟି ଟେରୋରିଜିମ ସ୍କ୍ୱାର୍ଡ)ର ଏକ ଟିମ ଜଣେ ପୂର୍ବତନ ଯବାନଙ୍କୁ ଗିରଫ କରିଛି | ଏହି ଯବାନଙ୍କ ନାମ ସୌରଭ ଶର୍ମା ହୋଇଥିବାବେଳେ ତାଙ୍କୁ ଉତ୍ତରପ୍ରଦେଶର ହାପୁରରୁ ଗିରଫ କରାଯାଇଛି । ଅଭିଯୋଗ ହୋଇଛି ଯେ ଏହି ପୂର୍ବତନ ସେନା କର୍ମଚାରୀ ଦେଶର ଆଭ୍ୟନ୍ତରୀଣ କାର୍ଯ୍ୟକଳାପ ସହ ଜଡିତ ତଥ୍ୟ ଲିକ୍ କରୁଥିଲେ।
Sambad is now on WhatsApp
Join and get latest news updates delivered to you via WhatsApp
ଏ ସଂପର୍କରେ ଏଟିଏସ୍ ସମସ୍ତ ପ୍ରମାଣ ସଂଗ୍ରହ କରିଛି। ଏଟିଏସ୍ ପୂର୍ବରୁ ଏହି ଯବାନଙ୍କୁ ଅଟକ ରଖି ପଚରାଉଚୁରା କରିଥିଲା | କିନ୍ତୁ ସେତେବେଳେ ଏଟିଏସ ଟିମ ତାଙ୍କୁ ଛାଡିଦେଇଥିଲା | କିନ୍ତୁ ଆଜି ଯବାନଙ୍କ ବିରୋଧରେ ବଳିଷ୍ଠ ପ୍ରମାଣ ପାଇବା ପରେ ତାଙ୍କୁ ଗିରଫ କରାଯାଇଛି |
ସୌରଭଙ୍କ ଘର ଉତ୍ତରପ୍ରଦେଶ ହାପୁରରେ ହୋଇଥିବାବେଳେ କିଛି ମାସ ପୂର୍ବରୁ ସେନାରୁ ସେ ଅବସର ନେଇଥିଲେ। ତେବେ ଅବସର ପରେ ସେ ତଥ୍ୟ ଲିକରେ ସମ୍ପୃକ୍ତି ଥିଲେ ନା ସେନାରେ ଥିବାବେଳେ ତଥ୍ୟ ଲିକ କରୁଥିଲେ ସେନେଇ ଜଣାପଡିନାହିଁ | ଏହି ପରିପ୍ରେକ୍ଷୀରେ ସରକାରୀ ସିକ୍ରେଟ୍ ଆକ୍ଟ ଅନୁଯାୟୀ ଏଟିଏସ୍ ପୁଲିସ ଷ୍ଟେସନରେ ସୌରଭ ଶର୍ମାଙ୍କ ବିରୋଧରେ ଏକ ରିପୋର୍ଟ ଦାଖଲ କରାଯାଇଛି।