ବାଂଲାଦେଶରେ ପୁଣି ହିନ୍ଦୁ ମନ୍ଦିର ଉପରେ ଆକ୍ରମଣ
୧୪ ସ୍ଥାନରେ ମୂର୍ତ୍ତି ଭାଙ୍ଗିଲେ ଦୁର୍ବୃତ୍ତ
ଢାକା: ବାଂଲାଦେଶରେ ପୁଣି ହିନ୍ଦୁ ମନ୍ଦିରଗୁଡିକ ଉପରେ ଆକ୍ରମଣ ହୋଇଛି। ଶନିବାର ରାତିରେ କେତେକ ସ୍ଥାନରେ ମନ୍ଦିରଗୁଡିକ ଉପରେ ଆକ୍ରମଣ ହୋଇଥିବାବେଳେ ରବିବାର ସକାଳେ ଉତ୍ତରପଶ୍ଚିମ ବାଂଲାଦେଶରେ ୧୪ ହିନ୍ଦୁ ମନ୍ଦିରକୁ ଭଙ୍ଗାରୁଜା କରାଯାଇଛି। ପୁଲିସ ପକ୍ଷରୁ ତଦନ୍ତ ଜାରି ରହିଛି ବୋଲି ଏକ ଗଣମାଧ୍ୟମ ପ୍ରକାଶ କରିଛି।
Sambad is now on WhatsApp
Join and get latest news updates delivered to you via WhatsApp
ଠାକୁରଗାଓଁର ବାଲିଆଡାଙ୍ଗିରେ ଥିବା ଏକ ହିନ୍ଦୁ ସମ୍ପ୍ରଦାୟର ନେତା ବିଦ୍ୟାନାଥ ବର୍ମନଙ୍କ କହିବାନୁଯାୟୀ କେତେକ ଦୁର୍ବୃତ୍ତ ଏଭଳି କାଣ୍ଡ କରିଛନ୍ତି। ପ୍ରାୟ ୧୪ ମନ୍ଦିରରେ ମୂର୍ତ୍ତି ଭାଙ୍ଗିଛନ୍ତି। ସେହିପରି ବାଲିୟାଙ୍ଗୀ ପୂଜା ଉତ୍କଳ ପରିଷଦର ସାଧାରଣ ସମ୍ପାଦକ ବାରମାନ କହିଛନ୍ତି ଯେ, କିଛି ମୂର୍ତ୍ତି ଭାଙ୍ଗିଛି, ଆଉ କେତେକ ମନ୍ଦିର ପରିସରସ୍ଥ ପୋଖରୀ ମଧ୍ୟରେ ପଡ଼ିଛି। ଏନେଇ କାର୍ଯ୍ୟାନୁଷ୍ଠାନ ଦାବି କରାଯାଇଛି। ଠାକୁରଗାଓଁର ପୁଲିସ ମହାନିର୍ଦ୍ଦେଶକ ଜାହାଙ୍ଗୀର ହୁସେନ ଉପରୋକ୍ତ ଖବରକୁ ଆଧାର କରି କହିଛନ୍ତି ଯେ, ଦେଶର ଶାନ୍ତିଭଙ୍ଗ ପାଇଁ ଏହା ଏକ ଷଡଯନ୍ତ୍ର। ଅଭିଯୁକ୍ତଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।