ନୂଆଦିଲ୍ଲୀ: ୧୯୮୩ ମସିହା ପରଠାରୁ ଏବର୍ଷ ଅଗଷ୍ଟ ମାସରେ ଦେଶରେ ସର୍ବାଧିକ ବୃଷ୍ଟିପାତ ରେକର୍ଡ କରାଯାଇଛି। ୧୯୮୩ ଅଗଷ୍ଟରେ ୨୪% ଅତିରିକ୍ତ ବର୍ଷା ହୋଇଥିବା ବେଳେ ଏ ବର୍ଷ ମଧ୍ୟ ସମପରିମାଣର ଅତିରିକ୍ତ ବୃଷ୍ଟିପାତ ହୋଇଛି। ୧୯୨୬ ମସିହା ଅଗଷ୍ଟ ମାସରେ ୩୩% ଅତିରିକ୍ତ ବୃଷ୍ଟିପାତ ହୋଇଥିଲା।

Advertisment

ଭାରତର କେତେକ ଅଞ୍ଚଳ ବିଶେଷକରି କେନ୍ଦ୍ରୀୟ ଅଞ୍ଚଳ ଏବଂ ଗୁଜରାଟ ଓ ରାଜସ୍ଥାନ ସମେତ ପଶ୍ଚିମ ଭାରତ ଅଗଷ୍ଟ ମାସର ପ୍ରଥମ ତିନି ସପ୍ତାହରେ ଅତିରିକ୍ତ ବୃଷ୍ଟିପାତ ହୋଇଥିଲା। ଅଗଷ୍ଟ ୧୨ ତାରିଖରେ ଶେଷ ହୋଇଥିବା ସପ୍ତାହରେ ୧୩%, ୧୯ ତାରିଖରେ ହୋଇଥିବା ସପ୍ତାହରେ ୪୨% ଏବଂ ଅଗଷ୍ଟ ୨୬ ତାରିଖରେ ଶେଷ ହୋଇଥିବା ସପ୍ତାହରେ ୪୧% ଅତିରିକ୍ତ ବର୍ଷା ହୋଇଛି।

publive-image Image Courtesy of Hindustan Times

ଶୁକ୍ରବାର ଦିନ ଭାରତୀୟ ପାଣିପାଗ ବିଭାଗ ଜାରି କରିଥିବା ସାପ୍ତାହିକ ପାଣିପାଗ ରିପୋର୍ଟରେ କହିଛି‌ ଯେ, ଅନ୍ୟୂନ ସେପ୍ଟେମ୍ବର ୩ ତାରିଖଯାଏଁ ସ୍ବାଭାବିକ ଠାରୁ ଅଧିକ ବର୍ଷା ହେବ। ସେପ୍ଟେମ୍ବର ୧୦ ତାରିଖ ମଧ୍ୟରେ ବଙ୍ଗୋପସାଗରରେ ଲଘୁଚାପ ଅଞ୍ଚଳ ଦେଖା ଦେଇ ନ ଥିବାରୁ ବୃଷ୍ଟିପାତ ହ୍ରାସ ପାଇପାରେ। ଅଗଷ୍ଟ ମାସରେ ସୃଷ୍ଟ ୫ଟି ଲଘୁଚାପ  ପୂର୍ବ, କେନ୍ଦ୍ରୀୟ ଓ ପଶ୍ଚିମ ଭାରତରେ ବ୍ୟାପକ ବର୍ଷା କରାଇଛି।