ନୂଆଦିଲ୍ଲୀ: ୟୁକ୍ରେନ ଏବଂ ରୁଷ ମଧ୍ୟରେ ଚାଲିଥିବା ଯୁଦ୍ଧ ବର୍ତ୍ତମାନ ଅତ୍ୟନ୍ତ ବିପଜ୍ଜନକ ସ୍ଥିତିରେ ପହଞ୍ଚିଛି। ଏଭଳି ପରିସ୍ଥିତିରେ ଦୁଇ ଦେଶ ମଧ୍ୟରେ ବିବାଦ ଶୀଘ୍ର ଶେଷ ହେବ ବୋଲି ଅଧିକାଂଶ ଦେଶ ଆଶା କରୁଛନ୍ତି। ଅଷ୍ଟ୍ରେଲିଆ କହିଛି ଯେ ୟୁକ୍ରେନରେ ରୁଷର ଆକ୍ରମଣ ଉପରେ ‘କ୍ୱାଡ’ର ସଦସ୍ୟମାନେ ଭାରତର ଆଭିମୁଖ୍ୟକୁ ଗ୍ରହଣ କରିଛନ୍ତି।ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନିଜ ଭଲ ସମ୍ପର୍କକୁ ବ୍ୟବହାର କରି ଯୁଦ୍ଧ ବନ୍ଦ କରିବାକୁ ଯେଉଁ ଚେଷ୍ଟା କରିଛନ୍ତି, ସେଥିରେ କେହି ଆପତ୍ତି କରିପାରିବେ ନାହିଁ।
Sambad is now on WhatsApp
Join and get latest news updates delivered to you via WhatsApp
ଭାରତରେ ଅଷ୍ଟ୍ରେଲୀୟ ହାଇ କମିଶନର ଭାବେ ନିଯୁକ୍ତ ବରୀ ଓ’ଫରେଲ ଗଣମାଧ୍ୟମକୁ କହିଛନ୍ତି ଯେ ‘କ୍ୱାଡ’ ଦେଶ ଭାରତର ଆଭିମୁଖ୍ୟ ଗ୍ରହଣ କରିଛନ୍ତି। ଆମେ ବୁଝିପାରୁଛୁ ଯେ ପ୍ରତ୍ୟେକ ଦେଶର ନିଜର ଦ୍ୱିପାକ୍ଷିକ ସମ୍ପର୍କ ରହିଛି। ବୈଦେଶିକ ବ୍ୟାପାର ମନ୍ତ୍ରାଳୟ ଏବଂ ପ୍ରଧାନମନ୍ତ୍ରୀ ମୋଦୀଙ୍କ ମନ୍ତବ୍ୟରୁ ଏହା ସ୍ପଷ୍ଟ ହୋଇଛି ଯେ ୟୁକ୍ରେନ ସଙ୍କଟ ଦୂର କରିବା ପାଇଁ ସେମାନେ ସେମାନଙ୍କର ସମ୍ପର୍କକୁ ବ୍ୟବହାର କରିଛନ୍ତି। ନିଶ୍ଚିତ ଭାବେ ଏଥିରେ କୌଣସି ଦେଶ ଅସନ୍ତୁଷ୍ଟ ହେବେ ନାହିଁ।
ଯୁଦ୍ଧ ଆରମ୍ଭ ହେବା ପରଠାରୁ ଭାରତ ରୁଷକୁ ସମାଲୋଚନା କରିବା ଠାରୁ ଦୂରେଇ ରହିଛି। ଆମେରିକା, ଜାପାନ ଏବଂ ଅଷ୍ଟ୍ରେଲିଆ ରୁଷର ୟୁକ୍ରେନ ଆକ୍ରମଣକୁ ଦୃଢ଼ ନିନ୍ଦା କରୁଥିବା ବେଳେ ଭାରତ ଏଭଳି କରିନାହିଁ। ରୁଷ ସହିତ ପୁରୁଣା ବନ୍ଧୁତା ହେତୁ, ରୁଷ ସେନାର ଆକ୍ରମଣ ଉପରେ ଭାରତ ଏ ପର୍ଯ୍ୟନ୍ତ ସିଧାସଳଖ ପ୍ରତିକ୍ରିୟା ଦେବାକୁ ଏଡ଼ାଇ ଆସିଛି। ଏମିତିି କି ଏବେ ଭାରତ ରିହାତି ଦରରେ ରୁଷଠାରୁ ତେଲ ଆମଦାନୀ କରିବା ଆରମ୍ଭ କରିଛି।