ସିଡନି: ଅଷ୍ଟ୍ରେଲିଆରେ ପ୍ରଥମ ଓମିକ୍ରନ ମୃତ୍ୟୁ ଚିହ୍ନଟ ହୋଇଛି। ନ୍ୟୁ ସାଉଥ୍‌ ୱେଲ୍ସରେ ସୋମବାର ୬ ହଜାରରୁ ଅଧିକ ସଂକ୍ରମଣ ମାମଲା ଚିହ୍ନଟ ହୋଇଛି। ଓମିକ୍ରନ୍‌ ଆତଙ୍କ ମଧ୍ୟରେ ଅଷ୍ଟ୍ରେଲିଆରେ କରୋନା କଟକଣା କଡ଼ାକଡ଼ି ହୋଇଛି। ଭିକ୍ଟୋରିଆ ଷ୍ଟେଟ୍‌ରେ ସୋମବାର ୧୯୯୯ ନୂଆ ସଂକ୍ରମଣ ମାମଲା ଚିହ୍ନଟ ହୋଇଛି। ଅନ୍ୟପକ୍ଷେ ବ୍ରିଟେନ୍‌ରେ ସଂକ୍ରମଣ ବଢ଼ିବାରୁ ବ୍ରି‌‌ଟେନରେ କଟକଣା କଡ଼ାକଡ଼ି ‌ହୋଇଛି। ସେହିପରି ଆମେରିକାର ନ୍ୟୁୟର୍କରେ ବି ଓମିକ୍ରନ୍‌ ବଢ଼ିବା ସହ ସେଠାରେ ଅଧିକ ଶିଶୁ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି ହେଉଛନ୍ତି। ଡିସେମ୍ବର ୫ ପରଠାରୁ ନ୍ୟୁୟର୍କ ହସ୍ପିଟାଲରେ ଶିଶୁଙ୍କ ଆଡମିସନ୍‌ ୪ ଗୁଣା ବୃଦ୍ଧି ହୋଇଛି। ୫ ବର୍ଷରୁ କମ୍‌ ବୟସର ଅଧିକାଂଶ ଶିଶୁ ହସ୍ପିଟାଲରେ ଆଡମିଟ୍‌ ହୋଇଛନ୍ତି। ଆମେରିକା‌ରେ ଗତ ୭ ଦିନ ଧରି ସଂକ୍ରମ୍ରଣ ବଢ଼ିବାରେ ଲାଗିଛି। ଆମେରିକାରେ ହାରାହାରି ଦୈନିକ ସଂକ୍ରମଣ ଗତ ୭ ଦିନ ଧରି ୧୯୦,୦୦୦ ରହିଛି।