ହିମସ୍ଖଳନରେ ଫସି ୩ ଭାରତୀୟ ଯବାନ ସହିଦ
ଶ୍ରୀନଗର : ଏକ ଦୁର୍ଭାଗ୍ୟଜନକ ଘଟଣାକ୍ରମେ ଭାରତୀୟ ସେନା ଅନ୍ତର୍ଗତ ୫୬ ରାଷ୍ଟ୍ରୀୟ ରାଇଫଲ୍ସର ତିନି ଜଣ ଯବାନ ଶୁକ୍ରବାର ଦିନ ଏକ ହିମସ୍ଖଳନରେ ଫସି କର୍ତ୍ତବ୍ୟରତ ଅବସ୍ଥାରେ ସହିଦ ହୋଇଛନ୍ତି । ସେମାନେ ଜମ୍ମୁ ଓ କଶ୍ମୀରର କୁପଓ୍ବାଡ଼ା ସେକ୍ଟର ସ୍ଥିତ ନିୟନ୍ତ୍ରଣ ରେଖା ନିକଟରେ କର୍ତ୍ତବ୍ୟରତ ଥିବାବେଳେ ହିମସ୍ଖଳନର ସମ୍ମୁଖୀନ ହୋଇଥିଲେ । ସେନାର ଉଦ୍ଧାରକାରୀ ଦଳ ସେମାନଙ୍କ ମୃତଦେହ ଉଦ୍ଧାର କରିଛି ।
Sambad is now on WhatsApp
Join and get latest news updates delivered to you via WhatsApp
ଦୁର୍ଗମ ପରିବେଶରେ କର୍ତ୍ତବ୍ୟରତ ଅବସ୍ଥାରେ ଦେଶ ପାଇଁ ବଳୀଦାନ ଦେଇଥିବା ଏହି ତିନି ଯବାନ ହେଲେ ସୌଭିକ ହାଜରା, ମୁକେଶ କୁମାର, ଗାଇକ୍ବାଡ୍ ମନୋଜ ଲକ୍ଷ୍ମଣ ରାଓ । ଦୁର୍ଗମୁଲାସ୍ଥିତି ମିଲିଟାରୀ ହସପିଟାଲକୁ ସେମାନଙ୍କ ମୃତଦେହ ସ୍ଥାନାନ୍ତର କରାଯାଇଛି ।
ଚଳିତ ବର୍ଷ ଫେବ୍ରୁଆରି ମାସରେ ଅରୁଣାଚଳ ପ୍ରଦେଶର କାମେଙ୍ଗ ସେକ୍ଟରରେ ହିମସ୍ଖଳନ ଯୋଗୁଁ ୭ ଭାରତୀୟ ସେନା ଜବାନ ସହିଦ ହୋଇଥିଲେ । ତଓ୍ବାଙ୍ଗ ଜିଲ୍ଲାରେ ମୁତୟନ ଥିବାବେଳେ ସେମାନେ ନିଖୋଜ ହୋଇଯାଇଥିଲେ । ପରେ ସେନା ପକ୍ଷରୁ ଏକ ସର୍ଚ୍ଚ ଅପରେସନ ଚଳାଯାଇ ସେମାନଙ୍କ ମୃତଦେହ ଉଦ୍ଧାର କରାଯାଇଥିଲା ।
୨୦୨୦ ଜାନୁଆରି ମାସରେ କୁପଓ୍ବାଡା ସେକ୍ଟରର ମିଚଲି ଠାରେ ହିମସ୍ଖଳନରେ ଫସି ୪ ଭାରତୀୟ ସୈନିକ ସହିଦ ହୋଇଥିଲେ । ଏହି ଘଟଣାରେ କିଛି ସ୍ଥାନୀୟ ଲୋକ ବି ମୃତାହତ ହୋଇଥିଲେ ।