ନୂଆଦିଲ୍ଲୀ: ଗୋଟିଏ ପକ୍ଷରେ, ଶେଷକୁ ଏକ ସୁରକ୍ଷିତ ଆଇନ୍ ସଂଗ୍ରାମର ଅବସାନ ଘଟିଲା, ଅନ୍ୟ ପକ୍ଷରେ, ଦେଶରେ ନ୍ୟାୟପାଳିକାର ମର୍ଯ୍ୟାଦା ବଢ଼ିଲା। ନିରୋଳା ସତ୍ୟ ଆଧାରରେ କହିଲେ, ଏହି ରାୟ ଆମ ଦେଶର ନ୍ୟାୟପାଳିକାର ଗୋଟାଏ ମାଇଲ ସ୍ତମ୍ଭ ପ୍ରମାଣିତ ହୋଇଛି। ସୁପ୍ରିମ୍ କୋର୍ଟଙ୍କର ଏଇ ଐତିହାସିକ ରାୟ ପରେ ନୂତନ ପ୍ରତିଜ୍ଞା, ନୂତନ ଆଶା ଓ ଅଭିଳାଷ ଭରା ଦେଶ ନୂଆ ରାସ୍ତାରେ ଆଗେଇ ଚାଲିଛି ବୋଲି ପ୍ରଧାନମନ୍ତ୍ରୀ ମାସିକ ରେଡିଓ କାର୍ଯ୍ୟକ୍ରମ ‘ମନ୍କି ବାତ୍’ର ୫୯ତମ ସଂସ୍କରଣରେ କହିଛନ୍ତି।
Sambad is now on WhatsApp
Join and get latest news updates delivered to you via WhatsApp
କାର୍ଯ୍ୟକ୍ରମ ଆରମ୍ଭ କରି ପ୍ରଧାନମନ୍ତ୍ରୀ କହିଲେ: ମୋ ପ୍ରିୟ ଦେଶବାସୀ, ‘ମନ୍କି ବାତ୍’ କାର୍ଯ୍ୟକ୍ରମକୁ ସ୍ୱାଗତ। ତରୁଣ ଦେଶର ତରୁଣ ବ୍ୟକ୍ତି, ସେମାନଙ୍କ ଉତ୍ସାହ, ଦେଶପ୍ରୀତି ଏବଂ ସେମାନଙ୍କୁ ଆବୋରିଥିବା ନିଃସ୍ୱାର୍ଥ ସେବା କଥାରୁ ଆଜିର ଅଧ୍ୟାୟ ଆରମ୍ଭ ହେଉଛି।
ପ୍ରତିବର୍ଷ, ନଭେମ୍ବର ମାସର ଚତୁର୍ଥ ରବିବାର ଏନ୍ସିସି ଦିବସ ଭାବେ ପାଳିତ ହୁଏ। କହିବାକୁ ଗଲେ ସାଧାରତଃ, ଆମ ଯୁବପୀଢ଼ି ‘ବନ୍ଧୁତ୍ୱ ଦିବସ’କୁ ଅଧିକ ମନେରଖନ୍ତି। କିନ୍ତୁ, କେତେକ ସେମିତି ଏନ୍ସିସି ଦିବସକୁ ବି ମନେରଖନ୍ତି। ପ୍ରଥମେ ମୁଁ ଏନ୍ସିସି ଦିବସ ଉପଲକ୍ଷେ ଉଭୟ ପୁରାତନ ଏବଂ ଏବର ସମସ୍ତ ଏନ୍ସିସି କ୍ୟାଡେଟ୍ଙ୍କୁ ଶୁଭେଚ୍ଛା ଜଣାଉଛି।
ପ୍ରଧାନମନ୍ତ୍ରୀ ମୋଦୀ ଏନ୍ସିସି କ୍ୟାଡେଟ୍ଙ୍କ ସହ କଥାବାର୍ତ୍ତା ହେଲେ।
ଅଧିକନ୍ତୁ, ମୁଁ ବି ଦିନେ କ୍ୟାଡେଟ୍ ଥିବାରୁ ଆଜି ବି ନିଜକୁ କ୍ୟାଡେଟ୍ ବୋଲି ଭାବେ। ଆମେ ସମସ୍ତେ ଜାଣୁ ଯେ ଭାରତର ‘ନ୍ୟାସ୍ନାଲ୍ କ୍ୟାଡେଟ୍ କର୍ପ୍ସ‘ (ଏନ୍ସିସି) ହେଉଛି ବିଶ୍ୱର ଅନ୍ୟତମ ବୃହତ୍ ୟୁନିଫର୍ମ ପରିହିତ ଯୁବ ସଂଗଠନ।
ଆସ, ଏଇ ଅବସରରେ ଆମର ସଶସ୍ତ୍ର ବାହିନୀଙ୍କ ଅଦମ୍ୟ ସାହସ, ସୌର୍ଯ୍ୟ ଏବଂ ଉତ୍ସର୍ଗର ଉଚ୍ଛ୍ୱାସ ପ୍ରତି କୃତଜ୍ଞତା ଜ୍ଞାପନ କରିବା ଏବଂ ସାହସୀ ସୈନିକମାନଙ୍କୁ ସ୍ମରଣ କରିବା।
ଏବେ ଆପଣମାନେ ‘ଫିଟ୍ ଇଣ୍ଡିଆ ମୁଭ୍ମେଣ୍ଟ୍ ସହ ପରିଚିତ ହୋଇସାରିଥିବ। ଫିଟ୍ ଇଣ୍ଡିଆର ଅର୍ଥ ନୁହେଁ କେବଳ ମନର ବ୍ୟାୟାମ କରିବା ଅଥବା କାଗରେ ଫିଟ୍ନେସ୍ ଯୋଜନାମାନ କରିବା ଅଥବା ଫିଟ୍ନେସ୍ ଆପ୍ସ୍ରେ ଲ୍ୟାପ୍ଟପ୍ ଅଥବା କମ୍ପ୍ୟୁଟର୍ ଅଥବା ମୋବାଇଲ୍ ଫୋନ୍ରେ ଦେଖିବା। ଆଦୌ ନୁହେଁ, ଆପଣମାନଙ୍କୁ ପରିଶ୍ରମ କରିବାକୁ ପଡ଼ିବ। ଖାଦ୍ୟାଭ୍ୟାସ ପରିବର୍ତ୍ତନ କରିବାକୁ ପଡ଼ିବ।
ପ୍ରତି ବିଦ୍ୟାଳୟରେ ଫିଟ୍ ଇଣ୍ଡିଆ ମୁଭ୍ମେଣ୍ଟ୍ ପାଳନ କରାଯିବା ଉଚିତ। ଏକଥା ଶୁଣି ଆପଣ କ’ଣ ଆଚମ୍ବିତ ହେଉ ନାହାନ୍ତି? ପୁଷ୍କରାଲୁ, ପୁଷ୍କରହ- ଏ କଥା ସବୁ ଆପଣ କେବେ ଶୁଣିଛନ୍ତି?
ଗତବର୍ଷ ତାମିଲନାଡୁର ତାମିରବରଣୀ ନଦୀରେ ପୁଷ୍କରମ ଅନୁଷ୍ଠିତ ହୋଇଥିଲା। ଏ ବର୍ଷ ଏହା ଅନୁଷ୍ଠିତ ହୋଇଥିଲା ବ୍ରହ୍ମପୁତ୍ର ନଦୀରେ। ଆସନ୍ତା ବର୍ଷ ଏହା ତେଲେଙ୍ଗାନା, ଆନ୍ଧ୍ରପ୍ରଦେଶ ଏବଂ କର୍ଣ୍ଣାଟକର ତୁଙ୍ଗଭଦ୍ରା ନଦୀରେ ଆୟୋଜନ କରାଯିବ।
ମୋର ପ୍ରିୟ ଦେଶବାସୀ, ମଧ୍ୟ ପ୍ରଦେଶରୁ ଟିକି ଶ୍ୱେତା ନମୋ ଆପ୍ରେ ଲେଖିଛନ୍ତି। ସେ କହିଛନ୍ତି, ପରୀକ୍ଷା ପାଇଁ ପରବର୍ତ୍ତୀ ଭାବ ଆଦାନପ୍ରଦାନ ବିଷୟରେ ସମୟ ସାରଣୀ ଏଯାଏଁ ଜଣାଇ ନାହାନ୍ତି। ଦୟାପୂର୍ବକ ଯଥା ଶୀଘ୍ର ଏହାର ସମୟ ସାରଣୀ କରନ୍ତୁ, ଦୟାକରି ଜାନୁଆରିରେ ଏହାର ସମୟ ସାରଣୀ କରନ୍ତୁ।
ବନ୍ଧୁଗଣ, ଗତ ସଂସ୍କରଣ ‘ମନ୍କି ବାତ୍’ରେ ଆମେ ଅଯୋଧ୍ୟା ମାମଲାରେ ୨୦୧୦ ଆହ୍ଲାବାଦ ହାଇକୋର୍ଟଙ୍କ ରାୟ ବିଷୟରେ ଆଲୋଚନା କରିଥିଲେ। ସେତେବେଳେ ଆମେ କିଭଳି ଶାନ୍ତି ଓ ସହାବସ୍ଥାନ ବଜାୟ ରଖିଥିଲୁ ମୁଁ ସେ କଥା କହିଥିଲି। ସେ ରାୟ ପୂର୍ବରୁ ହେଉ କି, ପରେ ହେଉ।
୧୩୦ କୋଟି ଭାରତୀୟଙ୍କର ଏଇ ଦେଶ ବିଷୟରେ କୁହାଇଛି, ପ୍ରତି ଦୁଇ କିଲୋମିଟର ପରେ ପାଣିର ସ୍ୱାଦ ବଦଳିଯାଏ, ଅଳ୍ପ କେତେ ମାଇଲ୍ ପରେ ଭାଷା ବଦଳିଯାଏ।
ନିକଟ ଅତୀତରେ ଉତ୍ତରାଖଣ୍ଡର ଧରାଚୂଳରୁ ଗୋଟାଏ କାହାଣୀ ପଢ଼ିଲି। ତାହା ମୋତେ ଅନେକ ଆତ୍ମସନ୍ତୋଷ ଦେଲା। କାହାଣୀଟି ପଢ଼ି ମୁଁ ଜାଣିଲି ଯେ ଲୋକେ ସେମାନଙ୍କର ଭାଷାର ପ୍ରସାର ପାଇଁ ଆଗେଇ ଆସୁଛନ୍ତି।
ବନ୍ଧୁଗଣ, ଆଉଗୋଟିଏ ଗୁରୁତ୍ୱପୂର୍ଣ୍ଣ କଥା ଲକ୍ଷ୍ୟ କରିବା କଥା ଯେ ୨୦୧୯କୁ ଯୁକ୍ତରାଷ୍ଟ୍ର ଆମେରିକା ‘ଦେଶୀୟ ଭାଷାମାନଙ୍କର ଆନ୍ତର୍ଜାତିକ ବର୍ଷ’ ଭାବେ ଘୋଷଣା କରିଛି।
ଦେଢ଼ଶହ ବର୍ଷ ପୂର୍ବେ ଆଧୁନିକ ହିନ୍ଦୀର ଜନକ ଭରତେନ୍ଦୁ ହରିଶ୍ଚନ୍ଦ୍ର ମଧ୍ୟ କହିଥିଲେ। ଊନବିଂଶ ଶତାବ୍ଦୀ ଶେଷ ଆଡ଼କୁ ମହାକବି ସୁବ୍ରମଣ୍ୟ ଭାରତୀ କହିଥିଲେ, ସେ ତାମିଲରେ କହିଥିଲେ।
ଚିନ୍ତାକରି, ସ୍କୁବା ଡିଭର୍ମାନଙ୍କ ଠାରୁ ପ୍ରେରଣା ଗ୍ରହଣ କରି ଆମ ଚତୁର୍ପାଶ୍ୱକୁ ପ୍ଲାଷ୍ଟିକ୍ ମୁକ୍ତ କରିବାକୁ ଯଦି ଆମେ ମଧ୍ୟ ପଣ କରିବା, ‘ପ୍ଲାଷ୍ଟିକ୍ ମୁକ୍ତ ଭାରତ’ ସମଗ୍ର ବିଶ୍ୱ ପାଇଁ ନୂତନ ଉଦାହରଣ ହୋଇପାରନ୍ତା।
ମୋର ପ୍ରିୟ ଦେଶବାସୀ, ୨୬ ନଭେମ୍ବର ଆଉ ମାତ୍ର ଦୁଇଦିନ ରହିଲା। ସମଗ୍ର ଦେଶ ପାଇଁ ଏହା ବିଶେଷ ଦିନ। ଏହାକୁ ସମ୍ବିଧାନ ଦିବସ ଭାବେ ପାଳନ କରାଯାଉଥିବାରୁ ବିଶେଷ ଭାବେ ଏହା ଆମ ସାଧାରଣତନ୍ତ୍ର ପାଇଁ ଗୁରୁତ୍ୱପୂର୍ଣ୍ଣ। ଆମେ ସମ୍ବିଧାନକୁ ଅଳଙ୍କୃତ କରିବାର ୭୦ ବର୍ଷ ପୂରଣ ହେଉଥିବାରୁ ଏ ବର୍ଷ ଏହା ଆହୁରି ଗୁରୁତ୍ୱପୂର୍ଣ୍ଣ।
ଆମ ସମ୍ବିଧାନ ପ୍ରତ୍ୟେକ ନାଗରିକଙ୍କର ଅଧିକାର ଓ ମର୍ଯ୍ୟାଦାକୁ ସୁରକ୍ଷା ଦେଉଛି ଯାହା ପାଇଁ ଆମ ସମ୍ବିଧାନର ନିର୍ମାତାଙ୍କ ଦୂରଦୃଷ୍ଟି ପ୍ରତି ଆମେ କୃତଜ୍ଞ ରହିବା। ମୁଁ ପ୍ରାର୍ଥନା କରୁଛି ଯେ ସାମ୍ବିଧାନିକ ଆଦର୍ଶ ଏବଂ ମୂଲ୍ୟବୋଧକୁ ଧରିରଖିବା ପାଇଁ ‘ସମ୍ବିଧାନ ଦିବସ’ ଆମର ଆନୁଗତ୍ୟକୁ ପୁଣି ପ୍ରେରିତ କରି ଦେଶ ଗଠନ ପ୍ରତି ଅବଦାନ ଦେଉ। ସର୍ବୋପରି, ଏହା ଥିଲା ଆମ ସମ୍ବିଧାନ ନିର୍ମାତାଙ୍କ ସ୍ୱପ୍ନ।
ଆମେ ଋତୁର ଉତ୍ତମତା ଅନୁଭବ କରିପାରୁଛେ। ‘ଫିଟ୍ ଇଣ୍ଡିଆ ମୁଭ୍ମେଣ୍ଟ୍’କୁ ଆଗେଇ ନେବାକୁ ଋତୁର ସଦୁପୋଯୋଗ କରନ୍ତୁ। ଅନେକ ଶୁଭେଚ୍ଛା ଅନେକ ଧନ୍ୟବାଦ।