ବିଜେପି ଆଡ଼କୁ ଢଳୁଛନ୍ତି କି ଗୁଲାମ ନବି ଆଜାଦ ? ମୋଦୀଙ୍କୁ ପ୍ରଶଂସା କରିବା ପରେ ନୂଆ କଳ୍ପନା ଜଳ୍ପନା
ଜମ୍ମୁ : ଗତକାଲି ଜମ୍ମୁରେ ଅନୁଷ୍ଠିତ ଜି-୨୩ ସମ୍ମିଳନୀରେ କଂଗ୍ରେସ ନେତୃତ୍ବକୁ ସମାଲୋଚନା କରିବା ପରେ ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ପ୍ରଶଂସା କରିଛନ୍ତି ବରିଷ୍ଠ କଂଗ୍ରେସ ନେତା ଗୁଲାମ ନବି ଆଜାଦ ।
Sambad is now on WhatsApp
Join and get latest news updates delivered to you via WhatsApp
ଆଜି ଜମ୍ମୁରେ ଅନୁଷ୍ଠିତ ଆଉ ଏକ ସଭାରେ ସେ କହିଛନ୍ତି ଯେ ମୋଦୀଙ୍କ ସହ ନୀତିଗତଭାବେ ଅନେକ ପ୍ରସଙ୍ଗରେ ତାଙ୍କର ମତଭେଦ ରହିଛି । କିନ୍ତୁ ଏହା ମାନିବାକୁ ପଡ଼ିବ ଯେ ସେ ନିଜର ମୂଳ ସହ ସବୁବେଳେ ଯୋଡ଼ିହୋଇରହିଥାନ୍ତି । ଏବେ ବି ସେ କହନ୍ତି ଯେ ସେ ପୂର୍ବରୁ ଚା ଦୋକାନୀ ଥିଲେ । ସେ ନିଜେ ମଧ୍ୟ ଗାଁରୁ ଆସିଛନ୍ତି ଓ ଏଥିପାଇଁ ଗର୍ବ ଅନୁଭବ କରନ୍ତି ବୋଲି ଆଜାଦ କହିଛନ୍ତି ।
ଚଳିତ ମାସ ପ୍ରାରମ୍ଭରେ ରାଜ୍ୟସଭାରେ ଆଜାଦଙ୍କ ଅବସର ବେଳେ ମୋଦୀ ତାଙ୍କୁ ପ୍ରଶଂସା କରିଥିଲେ । ଏହା ପରେ କେତେକ ମହଲରେ କଳ୍ପନା ଜଳ୍ପନା ପ୍ରକାଶ ପାଇଥିଲା । ଆଜାଦ ବିଜେପି ଆଡ଼କୁ ଢଳୁଥିବା କୁହାଯାଇଥିଲା । ଏବେ ମୋଦୀଙ୍କୁ ଆଜାଦଙ୍କ ପ୍ରଶଂସା ଏକ ନୂଆ ସମୀକରଣ ଆଡକୁ ଅଙ୍ଗୁଳି ନିର୍ଦ୍ଦେଶ କରୁଛି ବୋଲି ବିଶେଷଜ୍ଞମାନେ କହୁଛନ୍ତି ।