ଜମ୍ମୁ-କାଶ୍ମୀରରେ ସମ୍ବିଧାନର ଧାରା ୩୭୦ ଉଚ୍ଛେଦକୁ ନେଇ ଜେଏନୟୁରେ ବିରୋଧର ସ୍ୱର
ଜମ୍ମୁ-କାଶ୍ମୀରରେ ସମ୍ବିଧାନର ଧାରା ୩୭୦ ଉଚ୍ଛେଦ ପରେ ସାରା ଦେଶରେ ରାଜନୀତି ଜୋର ଧରିଛି । ଚର୍ଚ୍ଚା ଆଲୋଚନା ଭିତରେ ମୋଦୀ ସରକାରଙ୍କ ଏହି ଐତିହାସିକ ନିଷ୍ପତ୍ତିକୁ ଅନେକ ସମାଲୋଚନା ମଧ୍ୟ କରିଛନ୍ତି । ତେବେ ଗତକାଲି ବିଳମ୍ବିତ ରାତିରେ ଦିଲ୍ଲୀସ୍ଥିତ ଜବାହାରଲାଲ ନେହେରୁ ବିଶ୍ୱବିଦ୍ୟାଳୟ (ଜେଏନୟୁ)ରେ ପୁଣି ଥରେ ତେଜିଛି ବିରୋଧର ସ୍ୱର । ମଧ୍ୟରାତ୍ରିରେ କ୍ୟାମ୍ପସ ଭିତରେ ପୁଣି ଥରେ ସ୍ୱାଧୀନତାର ନାରା ଶୁଣିବାକୁ ମିଳିଛି । ଧାରା ୩୭୦କୁ ପୁଣି ଥରେ ବଳବତ୍ତର ରଖିବା ପାଇଁ ଦାବି କରାଯାଇ ଏଭଳି ବିକ୍ଷୋଭ କରାଯାଇଥିବା ସୂଚନା ମିଳିଛି ।
Sambad is now on WhatsApp
Join and get latest news updates delivered to you via WhatsApp
ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି, ପ୍ରତିବାଦର ଏହି ସ୍ୱର ଭିତରୁ ଗୁଞ୍ଜରିତ ହୋଇଉଠିଥିଲା ସେନା ବିରୋଧୀ ନାରା । ଧାରା ୩୭୦କୁ ବଳବତ୍ତର ରଖିବା ପାଇଁ ଜେଏନୟୁରେ ବିକ୍ଷୋଭ ଭିତରେ ସେନାକୁ ନେଇ ଅପଶବ୍ଦ ବ୍ୟବହାର କରାଯାଇଥିବା କୁହାଯାଉଛି । ମଧ୍ୟରାତ୍ରିର ଅନ୍ଧକାର ଭିତରେ କ୍ୟାମ୍ପସ ଭିତରେ ଚାଲିଥିଲା ଜୋରଦାର ବିକ୍ଷୋଭ ।