ହରିଦ୍ବାରା: ନିଜ ଫିଟନେସକୁ ନେଇ ସବୁବେଳେ ଚର୍ଚ୍ଚାରେ ରୁହନ୍ତି ବାବା ରାମଦେବ । କେତେବେଳେ ଘୋଡା ସହ ରେସ୍ କରି ତ ପୁଣି କେବେ ନଦୀରେ ପହଁରି ଚର୍ଚ୍ଚାରେ ରୁହନ୍ତି ରାମଦେବ । ଆଉ ତାଙ୍କର ସେହି ଭିଡିଓ ସୋସିଆଲ ମିଡିଆରେ ବେଶ୍ ଭାଇରାଲ ହୁଏ । ଏଇ ଆଜି ଯେମିତି ଗଙ୍ଗା ନଦୀକୁ ଲମ୍ଫ ମାରି ପହଁରିବାର ଭିଡିଓ ସୋସିଆଲ ମିଡିଆରେ ଭାଇରାଲ ହେବା ପରେ ୫୯ ବର୍ଷିୟ ବାବାଙ୍କ ଫିଟନେସର ପ୍ରଶଂସକ ପାଲଟିଛନ୍ତି ୟୁଜର୍ସ ।

Advertisment

ତେବେ ହରିଦ୍ବାରର ହର କି ପୋଡିରେ ପହଞ୍ଚିବା ପରେ ବାବା ରାମଦେବ ମାତା ଗଙ୍ଗାଙ୍କ ପୂଜାର୍ଚ୍ଚନା କରିବା ସହ ସ୍ନାନ କରିଥିଲେ । ନଦୀରେ ବୁଡ ପକାଇଥିଲେ । ହେଲେ ସେତିକିରେ ମନ ମାନିଲାନି ଯେ ସ୍ନାନ ପରେ ବାବା ନିଜ ଧୋତିକୁ ଭଲରେ ଭିଡିଥିଲେ ଏବଂ ନଦୀକୁ ସିଧା ଲମ୍ଫ ମାରିଥିଲେ । ଗାର୍ଡ ସହ ଗଙ୍ଗାରେ ପହଁରି ପହଁରି ସେ ଏପଟରୁ ସେପଟ ହୋଇଥିଲେ । ଆଉ ୫୯ ବର୍ଷିୟ ବାବାଙ୍କ ଯୁବକତ୍ବ ଦେଖି ଉପସ୍ଥିତ ଲୋକେ ତାଙ୍କୁ ଉତ୍ସାହିତ କରିବା ସହ ଭିଡିଓ କରିଥିଲେ ।