ନୂଆଦିଲ୍ଲୀ: ଆପଣମାନଙ୍କ ମଧ୍ୟରୁ ଅଧିକାଂଶ ଲୋକ ନିଶ୍ଚୟ ଅନେକ ବାବାଙ୍କୁ ଦେଖିଥିବେ। ସେମାନଙ୍କ ମଧ୍ୟରୁ କିଛି ବାବାଙ୍କ କାମ ଆପଣଙ୍କୁ ଆଶ୍ଚର୍ଯ୍ୟ କରିଥିବ ନିଶ୍ଚୟ। କେହି କେହି ଗୋଟିଏ ଗୋଡରେ ଠିଆ ହୋଇ ଦୀର୍ଘ ବର୍ଷ ଧରି ତପସ୍ୟା କରୁଥିବାବେଳେ କେହି କେହି କେବେ କେଶ କାଟି ନଥିବାର ଖବର ଆମେ ଆପଣଙ୍କୁ ଦେଇଛୁ। ଆପଣ ନିଶ୍ଚୟ ଏହିପରି ଅନେକ ବାବାଙ୍କ ବିଷୟରେ ଶୁଣିଥିବେ ଏବଂ ଦେଖିଥିବେ। ବର୍ତ୍ତମାନ ଏହି ତାଲିକାରେ ଆଉ ଏକ ନୂତନ ବାବାଙ୍କ ନାଁ ଯୋଡି ହୋଇଛି। ଟ୍ୱିଟରରେ ଏକ ଭିଡିଓ ଭାଇରାଲ ହେବାରେ ଲାଗିଛି, ଯେଉଁଥିରେ ଜଣେ ବାବା ଜଳନ୍ତା ଚୁଲିରେ ବସି ନିଜ ଭକ୍ତମାନଙ୍କୁ ଆଶୀର୍ବାଦ ଦେଉଥିବାର ନଜର ଆସିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଏହି ଭିଡିଓ ଭାଇରାଲ ହେବା ପରେ ସମସ୍ତଙ୍କୁ ଆଶ୍ଚର୍ଯ୍ୟ କରିଛି। ଭାଇରାଲ ଭିଡିଓରେ ଦେଖାଯାଇଛି ଯେ, ଜଳୁଥିବା ଚୁଲି ଉପରେ ଏକ ଲୁହାର ପଟା ପଡ଼ିଛି। ଏହା ପରେ ବାବା ବସିବା ସହ ଧୂମପାନ କରୁଛନ୍ତି। ମଝିରେ ମଝିରେ କିଛି ଭକ୍ତ ଆସି ତାଙ୍କ ଆଶୀର୍ବାଦ ନେଉଛନ୍ତି।
ଏହି ଭିଡିଓକୁ ଲିବେରାଲ ଇଣ୍ଡିଆ ୱାନ୍ ନାମକ ଟ୍ବିଟର ଆକାଉଣ୍ଟରୁ ସେୟାର କରାଯାଇଛି। ସୂଚନା ଅନୁଯାୟୀ, ଏହି ଭିଡିଓଟି ମହାରାଷ୍ଟ୍ରରେ ଥିବା ଅକୋଲାର ଅଟେ। ଭିଡିଓ ସେୟାର କରି ଟ୍ବିଟର ବ୍ୟବହାରକାରୀ କ୍ୟାପସନରେ ଲେଖିଛନ୍ତି, ‘ଚୁଲି ଉପରେ ମାଂସ, ମିସଲ, ଆଇସ୍କ୍ରିମ୍ ପରେ, ବର୍ତ୍ତମାନ ଚୁଲି ଉପରେ ବସି ବାବା ବଜାରକୁ ଆସିଗଲେ’। ଏପର୍ଯ୍ୟନ୍ତ ୯୩ହଜାରରୁ ଅଧିକ ଲୋକ ଏହି ଭିଡିଓ ଦେଖିଥିବା ବେଳେ ଦୁଇ ହଜାରରୁ ଅଧିକ ଲୋକ ଏହାକୁ ଲାଇକ କରିଛନ୍ତି।
चुलीवरील मटण, मिसळ, आईस्क्रीम नंतर आता मार्केट मध्ये चुलीवरील बाबा आलाय 🤣 pic.twitter.com/NPF3rR3eCU
— Pratik S Patil (@Liberal_India1) March 21, 2023