ଆଫଗାନିସ୍ତାନ ପାଖରେ ଶସ୍ତା ପେଟ୍ରୋଲ ଓ ପିଆଜ ଥିଲା କିନ୍ତୁ ମୋଦୀଙ୍କ ଭଳି ନେତା ନଥିଲେ: କୁସ୍ତିଯୋଦ୍ଧା ବବିତା ଫୋଗଟ
ନୂଆଦିଲ୍ଲୀ: ତାଲିବାନର ଆଫଗାନିସ୍ତାନ ଦଖଲକୁ ନେଇ ଏବେ ସାରା ବିଶ୍ୱରେ ଚର୍ଚ୍ଚା ଜୋର ଧରିଛି | ଆଫଗାନିସ୍ତାନକୁ ତାଲିବାନ ଅକ୍ତିଆର କରିବା ପରେ ଏବେ ଆଫଗାନବାସୀ ଭୟରେ କାଳ କାଟୁଛନ୍ତି । ୧୯୯୦ ଦଶକ ଶେଷରେ ଏହି ଦେଶ ତାଲିବାନ ଦ୍ୱାରା ଅଧିକୃତ ହୋଇଥିଲା ଏବଂ ବର୍ତ୍ତମାନ ପୁଣି ଥରେ ସେମାନଙ୍କ ନିୟନ୍ତ୍ରଣକୁ ଆସିଯାଇଛି | ଆଫଗାନିସ୍ତାନର ଏହି ଅବସ୍ଥାକୁ ନେଇ ସାରା ବିଶ୍ୱର ଲୋକମାନେ ନିଜର ଉଦବେଗ ପ୍ରକାଶ କରୁଛନ୍ତି ଏବଂ ଟ୍ୱିଟ୍ ମଧ୍ୟ କରୁଛନ୍ତି।
Sambad is now on WhatsApp
Join and get latest news updates delivered to you via WhatsApp
ତେବେ ଭାରତୀୟ କୁସ୍ତିଯୋଦ୍ଧା ବବିତା ଫୋଗଟ ମଧ୍ୟ ଆଫଗାନିସ୍ତାନର ପରିସ୍ଥିତି ସମ୍ପର୍କରେ ଏକ ଟୁଇଟ୍ କରିଛନ୍ତି | ତେବେ ଏହି ଟ୍ୱିଟକୁ ନେଇ ମିଶ୍ର ପ୍ରତିକ୍ରିୟା ପ୍ରକାଶ ପାଇଛି | ବବିତା ଫୋଗଟ ଆଫଗାନିସ୍ତାନର ପରିସ୍ଥିତି ସମ୍ପର୍କରେ ଟୁଇଟ୍ କରି କହିଛନ୍ତି ଯେ ଆଫଗାନିସ୍ତାନରେ ଶସ୍ତା ପେଟ୍ରୋଲ, ଶସ୍ତା ଡିଜେଲ ଏବଂ ଶସ୍ତା ପିଆଜ ଥିଲା କିନ୍ତୁ ନରେନ୍ଦ୍ର ମୋଦୀଙ୍କ ଭଳି ନେତା ନଥିଲେ।
अफगानिस्तान के पास सस्ता पेट्रोल था, सस्ता डीजल था औऱ सस्ती प्याज़ भी थी पर नरेंद्र मोदी जैसा नेता नही था।
— Babita Phogat (@BabitaPhogat) August 16, 2021
ସେ ନିଜ ଟ୍ଵିଟରେ ଯଦିଓ ମୋଦୀଙ୍କୁ ପ୍ରଶଂସା କରିଛନ୍ତି କିନ୍ତୁ ଏଭଳି ଦୁଃଖଦ ସ୍ଥିତିରେ ବବିତାଙ୍କ ଏଭଳି ଟ୍ଵିଟକୁ କିଛି ୟୁଜର୍ସ ନାପସନ୍ଦ କରିଛନ୍ତି | ତାଙ୍କର ଏହି ଟୁଇଟ୍ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି|