ବାବ୍ରି ମସ୍ଜିଦ୍ ଅଯୋଧ୍ୟାରେ ରହିବ, ସୁପ୍ରିମ୍ କୋର୍ଟ ଆମ ସପକ୍ଷରେ ରାୟ ଦେବେ: ଅସାଉଦ୍ଦିନ୍ ଓଓ୍ଵାଇସି
ନୂଆଦିଲ୍ଲୀ: ଅଲ୍ ଇଣ୍ଡିଆ ମଜ୍ଲିସ୍-ଇ-ଇତେହ୍ଦୁଲ୍ ମୁସ୍ଲିମ୍ (ଏଆଇଏମ୍ଆଇଏମ୍)ର ମୁଖ୍ୟ ତଥା ହାଇଦ୍ରାବାଦ ସାଂସଦ ଅସାଉଦ୍ଦିନ୍ ଓଓ୍ଵାସିଙ୍କର ସଦ୍ୟତମ ବକ୍ତବ୍ୟ ପୁଣି ବିବାଦ ସୃଷ୍ଟି କରିଛି। ସେ କହିଛନ୍ତି ଯେ ସୁପ୍ରିମ୍ କୋର୍ଟ ମୁସଲମାନଙ୍କ ସପକ୍ଷରେ ନିଷ୍ପତ୍ତି ଗ୍ରହଣ କରିବ ଏବଂ ବାବ୍ରି ମସ୍ଜିଦ୍ ଅଯୋଧ୍ୟାରେ ରହିବ।
Sambad is now on WhatsApp
Join and get latest news updates delivered to you via WhatsApp
ଶନିବାର ଦିନ ନୂଆଦିଲ୍ଲୀ ଠାରେ ସୋସାଇଟି ଫର୍ ଇଣ୍ଟେଗ୍ରେଟିଭ୍ ଅଙ୍କୋଲୋଜିର ଏକ କାର୍ଯ୍ୟକ୍ରମରେ ସେ କହିଛନ୍ତି: ଆମ ସୁପ୍ରିମ୍ ଯେହେତୁ ସୁପ୍ରିମ୍ କୋର୍ଟ ଆମ ସପକ୍ଷରେ ନିଷ୍ପତ୍ତି ନେବେ, ମସ୍ଜିଦ୍ ସେଇଠି ରହିବ ଏବଂ ଆମେ ପୁଣି ତାହା ନିର୍ମାଣ କରିବୁ।
ବିଶ୍ୱାସ ଆଧାରରେ ନୁହେଁ ନିଷ୍ପତ୍ତି ଆଧାରରେ ସୁପ୍ରିମ୍ କୋର୍ଟ ରାୟ ଦେବ ବୋଲି ସେ କହିଛନ୍ତି। ମୁସଲମାନମାନେ ସେ ସ୍ଥାନ ଛାଡ଼ିବେ ନାହିଁ। ଯେଉଁ ଲୋକେ ମସ୍ଜିଦ୍ ଛାଡ଼ିବାକୁ କହି ଆମ ଶରିଆଫ୍ ବିରୋଧରେ କହୁଛନ୍ତି, ସେମାନଙ୍କୁ ମୁଁ କହୁଛି ଯେ ଆମେ ସେ ସ୍ଥାନ ଛାଡ଼ିବୁ ନାହିଁ।
ପଞ୍ଜାବ ନେସ୍ନାଲ୍ ବ୍ୟାଙ୍କ୍ ଠକେଇ ବିଷୟରେ ଓଓ୍ଵାଇସି କହିଛନ୍ତି: ଯେଉଁ ଲୋକେ ଆମକୁ ପାକିସ୍ତାନୀ କହୁଛନ୍ତି, ମୁଁ ତାଙ୍କୁ ପଚାରିବାକୁ ଚାହେଁ, ହର୍ଷଦ୍ ମେହେଟା, କେତନ ପାରେଖ, ନିରବ ମୋଦି କ’ଣ ମୁସଲମାନ? ଆମ ପ୍ରଧାନମନ୍ତ୍ରୀଙ୍କୁ ଭାଇ ଡାକୁଥିବା ଲୋକେ ଦେଶକୁ ଲୁଣ୍ଠନ କରିଛନ୍ତି। ଆମେ ହିନ୍ଦୁ-ମୁସଲମାନ ଭାଇ କଥାରେ ବିଶ୍ୱାସ କରୁ, କିନ୍ତୁ ଏଥିରେ କୌଣସି ସୁଫଳ ମିଳିନାହିଁ। ଦେଶ ଏବେ ହିନ୍ଦୁତ୍ୱ ଦେଶ ହେବାକୁ ଯାଉଛି।
ଆତଙ୍କବାଦୀ ଆକ୍ରମଣକୁ ମୁକାବିଲା କରିବାରେ ଅସଫଳ ହୋଇଥିବାରୁ ଅସାଉଦ୍ଦିନ୍ ଓଓ୍ଵାଇସି ନିକଟରେ ଭାରତୀୟ ଜନତା ପାର୍ଟି- ପିପଲ୍ସ୍ ଡେମୋକ୍ରାଟିକ୍ ପାର୍ଟି ମେଣ୍ଟକୁ ନିକଟରେ ନିନ୍ଦା କରିଥିଲେ।