ଟ୍ରେନ୍ରେ ଯାତ୍ରା କରିବା ସମୟରେ ଫୋନରେ ନେଟ୍ଓ୍ଵାର୍କ ଆସୁ ନଥିବାରୁ ସାଥିରେ ପଗ୍ କୁକୁର ନେଇ ଯାତ୍ରା କଲେ କେନ୍ଦ୍ରମନ୍ତ୍ରୀ ବାବୁଲ ସୁପ୍ରିୟ, ଜାଣନ୍ତୁ ପୁରା ମାମଲା
ନୂଆଦିଲ୍ଲୀ: ଯେଉଁମାନେ ଟ୍ରେନ୍ରେ ଯାତ୍ରା କରିଥାନ୍ତି, ଯାତ୍ରା ସମୟରେ ମୋବାଇଲରେ ନେଟ୍ଓ୍ଵାର୍କ ସମସ୍ୟା କେତେ ଦେଖାଯାଇଥାଏ ତାହା ଜାଣିଥିବେ । ଯାତ୍ରା ସମୟରେ ଗୋଟେ କଲ୍ କରିବା ପାଇଁ ଯାତ୍ରୀମାନଙ୍କୁ ଅନେକ କଷ୍ଟ କରିବାକୁ ପଡ଼ିଥାଏ । ତେବେ ଏହି ସମସ୍ୟାର ସମାଧାନ ପାଇଁ କେନ୍ଦ୍ରମନ୍ତ୍ରୀ ବାବୁଲ ସୁପ୍ରିୟ ଏକ ଭିନ୍ନ ଉପାୟ ବାହାର କରିଥିବା ଦେଖାଯାଇଛି । ଯାହାକୁ ଦେଖିବା ପରେ ଲୋକମାନେ ମଧ୍ୟ ଆଶ୍ଚର୍ଯ୍ୟ ହୋଇ ଯାଇଛନ୍ତି । ଭୋଡ଼ାଫୋନର ନେଟ୍ଓ୍ଵାର୍କ ପାଇଁ ବାବୁଲ ସୁପ୍ରିୟ ନିଜ ସହ ପଗ୍ କୁକୁର ନେଇ ଯାତ୍ରା କରୁଥିବା ଦେଖାଯାଇଥିଲା । ଯାହାକୁ ଲୋକମାନେ ଭୋଡ଼ାଫୋନ କୁକୁର ଭାବରେ ଜାଣିଛନ୍ତି । ବାବୁଲ ସୁପ୍ରିୟ ଯାତ୍ରା କରିବା ସମୟରେ ପଗ୍ କୁକୁରର ଫଟୋ ମଧ୍ୟ ନିଜ ଟୁଇଟର ଆକାଉଣ୍ଟରେ ସେୟାର କରିଥିବା ଦେଖାଯାଇଥିଲା ।
Sambad is now on WhatsApp
Join and get latest news updates delivered to you via WhatsApp
ମଙ୍ଗଳବାର ସକାଳ ସମୟରେ ସେ ଟୁିଇଟ୍ କରି, “ମୁଁ ନିଜର ପଗ୍ ଏଡ଼ିକୁ ରାଜଧାନୀ ଟ୍ରେନ୍ରେ ସାଥୀରେ ନେଇ ଆସିଛି । ଏହି ଆଶାରେ କି ଯାତ୍ରା ସମୟରେ ଭୋଡ଼ାଫୋନ ନେଟ୍ଓ୍ଵାର୍କ ମୋ ସହ ରହିବ । କାରଣ ପଗ୍ ତାଙ୍କର ବ୍ରାଣ୍ଡ ଆମ୍ବାସାଡ଼ାର ହୋଇଥିବା ବେଳେ ସେମାନେ ତାଙ୍କ ବିଜ୍ଞାପନରେ ଏହି ଦାବି କରିଥାନ୍ତି” ବୋଲି ଲେଖିଥିଲେ । ବାବୁଲ ସୁପ୍ରିୟଙ୍କ ଏହି ଟୁଇଟ୍ ଏବେ ଚର୍ଚ୍ଚାର ବିଷୟ ପାଲଟିଛି ।