ବାହୁବଳୀ କ୍ୟାବିନେଟ ମନ୍ତ୍ରୀ: ଜଣଙ୍କ ପାଖରେ ୩ ମନ୍ତ୍ରଣାଳୟ

ନୂଆଦିଲ୍ଲୀ: ଲଗାତାର ତୃତୀୟ ଥର ପାଇଁ ନରେନ୍ଦ୍ର ମୋଦୀ ପ୍ରଧାନମନ୍ତ୍ରୀ ଭାବେ ଶପଥ ଗ୍ରହଣ କରିଛନ୍ତି। ରବିବାର ଦିନ ତାଙ୍କ କ୍ୟାବିନେଟରେ ଅନ୍ତର୍ଭୁକ୍ତ ସାଂସଦମାନେ ମଧ୍ୟ ତାଙ୍କ ସହ ଶପଥ ଗ୍ରହଣ କରିଥିଲେ। ସୋମବାର ପ୍ରଧାନମନ୍ତ୍ରୀ ମୋଦୀଙ୍କ କ୍ୟାବିନେଟର ପ୍ରଥମ ବୈଠକ ଅନୁଷ୍ଠିତ ହୋଇଥିଲା ଏବଂ ମନ୍ତ୍ରଣାଳୟ ମଧ୍ୟ ଭାଗବଣ୍ଟା ହୋଇଥିଲେ।

ନୂତନ ସରକାରରେ, ଗତଥର ଥିବା ମନ୍ତ୍ରୀଙ୍କ ପାଖରେ ବହୁ ବଡ ମନ୍ତ୍ରଣାଳୟ ଅଛି। ମୋଦୀ ସରକାରଙ୍କ ପୂର୍ବ ଦୁଇଟି କାର୍ଯ୍ୟକାଳ ତୁଳନାରେ ଏଥର ମନ୍ତ୍ରଣାଳୟ ସବୁଠୁ ବଡ। ପ୍ରଧାନମନ୍ତ୍ରୀ ମୋଦୀଙ୍କ ବ୍ୟତୀତ କ୍ୟାବିନେଟରେ ୭୧ ଜଣ ମନ୍ତ୍ରୀ ଅଛନ୍ତି।

ସୋମବାର ଅନୁଷ୍ଠିତ ମନ୍ତ୍ରଣାଳୟ ଭାଗବଣ୍ଟାରେ ଜଣେ ମନ୍ତ୍ରୀଙ୍କୁ ତିନୋଟି ମନ୍ତ୍ରଣାଳୟ ମିଳିଥିବାବେଳେ ଅନେକଙ୍କୁ ୨ ଟି ମନ୍ତ୍ରଣାଳୟର ଦାୟିତ୍ବ ଦିଆଯାଇଛି। ପୂର୍ବତନ ବିଜେପି ସଭାପତି ଜେପି ନଡ୍ଡା ମଧ୍ୟ କ୍ୟାବିନେଟରେ ପ୍ରବେଶ କରିଛନ୍ତି ଏବଂ ତାଙ୍କୁ ଗୁରୁତ୍ୱପୂର୍ଣ୍ଣ ସ୍ୱାସ୍ଥ୍ୟ ମନ୍ତ୍ରଣାଳୟ ଦିଆଯାଇଛି।

ପୂର୍ବ ସରକାରରେ ରେଳମନ୍ତ୍ରୀ ଭାବରେ ଉଲ୍ଲେଖନୀୟ କାର୍ଯ୍ୟ କରିଥିବା ଅଶ୍ୱିନୀ ବୈଷ୍ଣବଙ୍କୁ ଏଥର ତିନୋଟି ବିଭାଗ ଦିଆଯାଇଛି। ଏହା ସହିତ ସେ ବାହୁବଳୀ ମନ୍ତ୍ରୀ ପାଲଟିଛନ୍ତି। ଏଥି ସହିତ ପ୍ରଥମ ଥର ପାଇଁ କ୍ୟାବିନେଟକୁ ଆସିଥିବା ଶିବରାଜ ସିଂ ଚୌହାନ ଏବଂ ମନୋହର ଲାଲ ଖଟ୍ଟରଙ୍କୁ ମଧ୍ୟ ଦୁଇଟି ଲେଖାଏଁ ମନ୍ତ୍ରଣାଳୟର ଦାୟିତ୍ବ ଦିଆଯାଇଛି।

ସଂସଦର ସଦସ୍ୟ                ମନ୍ତ୍ରଣାଳୟ
ଅମିତ ଶାହ-ଗୃହ ମନ୍ତ୍ରଣାଳୟ, ସହଯୋଗ ମନ୍ତ୍ରଣାଳୟ
ଜେପି ନଡ୍ଡା-ସ୍ୱାସ୍ଥ୍ୟ ମନ୍ତ୍ରଣାଳୟ, ରାସାୟନିକ ପଦାର୍ଥ ଏବଂ ସାର ମନ୍ତ୍ରଣାଳୟ
ଶିବରାଜ ସିଂ ଚୌହାନ-କୃଷି ମନ୍ତ୍ରଣାଳୟ, ପଞ୍ଚାୟତିରାଜ ମନ୍ତ୍ରଣାଳୟ
ନିର୍ମଳା ସୀତାରମଣ-ଅର୍ଥ ମନ୍ତ୍ରଣାଳୟ, କର୍ପୋରେଟ୍ ବ୍ୟାପାର ମନ୍ତ୍ରଣାଳୟ
ଏଚଡି କୁମାରସ୍ୱାମୀ-ଭାରୀ ଶିଳ୍ପ ମନ୍ତ୍ରଣାଳୟ, ଇସ୍ପାତ ମନ୍ତ୍ରଣାଳୟ
ମନୋହର ଲାଲ ଖଟ୍ଟର-ଶକ୍ତି ମନ୍ତ୍ରୀ, ନଗର ଉନ୍ନୟନ ମନ୍ତ୍ରଣାଳୟ
ଲଲନ ସିଂ-ପଞ୍ଚାୟତିରାଜ ମନ୍ତ୍ରଣାଳୟ, ମତ୍ସ୍ୟ, ପଶୁପାଳନ ଏବଂ ଦୁଗ୍ଧ ମନ୍ତ୍ରଣାଳୟ

ଅଶ୍ୱିନୀ ବୈଷ୍ଣବ-ରେଳ ମନ୍ତ୍ରଣାଳୟ, ସୂଚନା ଏବଂ ପ୍ରସାରଣ ମନ୍ତ୍ରଣାଳୟ, ଆଇଟି ମନ୍ତ୍ରଣାଳୟ

ଜ୍ୟୋତିରାଦିତ୍ୟ ସିନ୍ଧିଆ-ଟେଲିକମ୍ ମନ୍ତ୍ରଣାଳୟ, ଉତ୍ତର ପୂର୍ବ ବିକାଶ ମନ୍ତ୍ରଣାଳୟ
ଗଜେନ୍ଦ୍ର ସିଂ ଶେଖୱାତ-ସଂସ୍କୃତି ମନ୍ତ୍ରଣାଳୟ, ପର୍ଯ୍ୟଟନ ମନ୍ତ୍ରଣାଳୟ
କିରେନ୍ ରିଜିଜୁ-କେନ୍ଦ୍ର ସଂସଦୀୟ ମନ୍ତ୍ରଣାଳୟ, ସଂଖ୍ୟାଲଘୁ ବ୍ୟାପାର ମନ୍ତ୍ରଣାଳୟ
ମାନସୁଖ ମାଣ୍ଡବ୍ୟ-ଶ୍ରମ ଏବଂ ରୋଜଗାର ମନ୍ତ୍ରଣାଳୟ, କ୍ରୀଡା ଏବଂ ଯୁବ ବ୍ୟାପାର ମନ୍ତ୍ରଣାଳୟ
ଜି କିଶାନ୍ ରେଡ୍ଡୀ-କୋଇଲା ମନ୍ତ୍ରଣାଳୟ, ଖଣି ମନ୍ତ୍ରଣାଳୟ
ଚିରାଗ ପାସୱାନ୍-କ୍ରୀଡା ଏବଂ ଯୁବ କଲ୍ୟାଣ ମନ୍ତ୍ରଣାଳୟ, ଖାଦ୍ୟ ପ୍ରକ୍ରିୟାକରଣ ମନ୍ତ୍ରଣାଳୟ