ଦୁବାଇରେ ଏମିରେଟସ ଓଡ଼ିଆ ପରିବାର ପକ୍ଷରୁ ପାଳିତ ହେଲା ପବିତ୍ର ବାହୁଡା଼ ଯାତ୍ରା ଓ ସୁନାବେଶ

ଦୁବାଇ: ଏମିରେଟସ ଓଡ଼ିଆ ପରିବାର, ଇୟୁଏଇ ଦ୍ବାରା ଆୟୋଜିତ ଜୁଲାଇ ୫  ତାରିଖ   ଶନିବାର  ଦିନ ଦୁବାଇର ସ୍ପ୍ରିଙ୍ଗ ଡେଲ ସ୍କୁଲ  ଠାରେ ଶ୍ରୀଜଗନ୍ନାଥଙ୍କ ପବିତ୍ର ବାହୁଡା଼  ଯାତ୍ରା ପାଳନ କରାଯାଇଥିଲା। । ଦୁବାଇ ଓ ୟୁନାଇଟେଡ  ଆରବ ଏମିରେଟସରୁ ଶତାଧିକ ଭକ୍ତ ଯୋଗଦାନ କରିଥିଲେ।  ଅପରାହ୍ନ ସକାଳ ୫ଟାରୁ  ପୂଜା ଓ  ଠାକୁରଙ୍କ ସମସ୍ତ ନୀତିକାନ୍ତି ଆରମ୍ଭ ହୋଇଥିଲା ।

ଶ୍ରୀ ଜଗନ୍ନାଥ ଅଷ୍ଟକମ ପାଠ ହେବା ପରେ ମହାମନ୍ତ୍ର  ନାମ ସଂକୀର୍ତ୍ତନ ଆରମ୍ଭ  ହୋଇଥିଲା । ପରେ ଚୁଡା ଘସା ,ଗଜା ଓ ପୀଡ଼ା ପିଠା ଠାକୁରଙ୍କ ନିକଟରେ ଲାଗି କରାଯିବା ପରେ ସମସ୍ତଙ୍କୁ ବିତରଣ କରାଯାଇଥିଲା ।  ବିଶେଷ ଆକର୍ଷଣ ଭାବେ ପ୍ରଥମ ଥର ପାଇଁ ୟୁଏଇରେ ଠାକୁର ସୁନାବେଶ ହୋଇଥିଲେ ।

ହରିବୋଲ ହୁଳହୁଳି ଶଙ୍ଖ ଧ୍ବନି ଘଣ୍ଟ ଘଣ୍ଟା ସଂକୀର୍ତ୍ତନ ସହିତ ଖୁବ ଆଡମ୍ବରେ ଆରମ୍ଭ ହୋଇଥିଲା । ପାରମ୍ପରିକ ଓଡ଼ିଆ ଭଜନ ଓ କୀର୍ତ୍ତନ ଗାୟକମାନେ ପରିବେଷଣ କରିଥିଲେ | ଅନୁଷ୍ଠାନର ଗାୟକମାନେ ଭଜନରେ ଲୋକଙ୍କ ମନ କିଣିଥିଲେ । ଏମିରେଟସ ଓଡ଼ିଆ ପରିବାରର ସମସ୍ତ କର୍ମକର୍ତ୍ତାମାନେ ସମସ୍ତ ଓଡ଼ିଆ ଭାଇଭଉଣୀମାନଙ୍କୁ ଓ ଭକ୍ତମାନଙ୍କୁ ସହଯୋଗ ପାଇଁ  ଧନ୍ୟବାଦ ଜଣାଇଛନ୍ତି।