ଲାହୋର: କାହା କଦଳୀ ବଡ? ଭାରତର ନା ପାକିସ୍ତାନର? ପାକିସ୍ତାନ ନ୍ୟୁଜ ଚ୍ୟାନେଲରେ ପ୍ରସାରିତ ହୋଇଥିବା କଦଳୀକୁ ନେଇ ଭିଡିଓ ଭାଇରାଲ ହେବାରେ ଲାଗିଛି | ଭିଡିଓରେ, ଜଣେ ପାକିସ୍ତାନୀ ମହିଳା ନ୍ୟୁଜ୍ ଆଙ୍କର୍ ଏପରି କିଛି କରୁଛନ୍ତି ଯାହାକୁ ଦେଖିବା ପରେ ଆପଣ ବି ନିଜ ହସ ବନ୍ଦ କରିପାରିବେ ନାହିଁ | ମହିଳା ନ୍ୟୁଜ୍ ଆଙ୍କର, ସୋ’ରେ ପାକିସ୍ତାନର ବିକାଶ ବାବଦରେ ଆଲୋଚନା କରୁଛନ୍ତି । ଆଉ ଏହି ପ୍ରସଙ୍ଗରେ ଆଲୋଚନା କରିବାକୁ ଆସିଥିବା ଅତିଥି ପାକିସ୍ତାନ ଏବଂ ଭାରତର କଦଳୀ ଆକାରକୁ ତୁଳନା କରିଛନ୍ତି | ଆଉ ଏହି ତୁଳନାତ୍ମକ ତଥ୍ୟକୁ ଶୁଣି ନ୍ୟୁଜ ଆଙ୍କର ଜୋରରେ ହସୁଛନ୍ତି | ମିଳିଥିବା ସୂଚନା ମୁତାବକ ପାକିସ୍ତାନର ଏକ ନ୍ୟୁଜ ଚ୍ୟାନେଲରେ ବିକାଶ ସମ୍ବନ୍ଧୀୟ ସମସ୍ୟା ଉପରେ ଆଲୋଚନା କରାଯାଉଥିଲା |
Sambad is now on WhatsApp
Join and get latest news updates delivered to you via WhatsApp
ନ୍ୟୁଜ୍ ଆଙ୍କର୍ ଆଲଭିନା ଆଗା ଏହି ଶୋ’ରେ ଅତିଥି ଖ୍ୱାଜା ନାଭିଦ୍ ଅହମ୍ମଦଙ୍କ ସହ ପାକିସ୍ତାନର ବିକାଶ ସମସ୍ୟା ଉପରେ ଆଲୋଚନା କରୁଥିଲେ । ଏହି ସମୟରେ ନାଭିଦ୍ ଉଭୟ ଦେଶର ବିଭିନ୍ନ ପ୍ରକାରର କଦଳୀର ଆକାର ବିଷୟରେ କହିଛନ୍ତି | ଖ୍ୱାଜା ନାଭିଦ୍ ଅହମ୍ମଦ ପ୍ରଥମେ ମୁମ୍ବାଇରେ କଦଳୀର ଆକାର ବାବଦରେ କହିଛନ୍ତି, ଏହା ପରେ ବାଂଲାଦେଶର ଢାକା କଦଳୀ ସହ ପାକିସ୍ତାନର ସିନ୍ଧ ପ୍ରଦେଶରେ ଥିବା କଦଳୀକୁ ତୁଳନା କରିଛନ୍ତି ।
And the winner is, Bombay 🍌 pic.twitter.com/wJB8lqzODa
— Naila Inayat (@nailainayat) November 1, 2021
ସେ କହିଛନ୍ତି, ‘ପାକିସ୍ତାନର ସିନ୍ଧରେ ପ୍ରବଳ କଦଳୀ ଚାଷ ହେଉଛି, କିନ୍ତୁ ଏଠାକାର ଚାଷୀ ଯଦି ଆଉ ଟିକେ ଚେଷ୍ଟା କରନ୍ତେ ଓ ଗବେଷଣା କରନ୍ତେ, ତେବେ ମୁମ୍ବାଇରେ ମିଳୁଥିବା ପାପୁଲି ଆକାରର କଦଳୀ ଫଳାଇପାରନ୍ତେ | ମୁମ୍ବାଇରେ ମିଳୁଥିବା କଦଳୀ ଏତେ ସ୍ୱାଦିଷ୍ଟ ଯେ ଏକ କୋଠରୀରେ ୬ଟି କଦଳୀ ରହିଲେ ସୁଗନ୍ଧ ବ୍ୟାପିଥାଏ। ଠିକ୍ ସେହିପରି, ଢାକାର କଦଳୀ ବି ଆକାରରେ ବଡ଼ | କିନ୍ତୁ ସିନ୍ଧ ପ୍ରଦେଶରେ ଚାଷ ହେଉଥିବା କଦଳୀ ଆଙ୍ଗୁଠି ଆକୃତିର ବୋଲି ସେ କହିଛନ୍ତି | ଏହା ଶୁଣି ନ୍ୟୁଜ ଆଙ୍କର ଠୋ ଠୋ ହୋଇ ହସିଥିଲେ |