ବେଙ୍ଗାଲୁରୁ: ମାର୍ଚ୍ଚ ୧୨ରେ ପ୍ରଧାନମନ୍ତ୍ରୀ ମୋଦୀ ୧୧୮ କିଲୋମିଟର ଦୀର୍ଘ କର୍ଣ୍ଣାଟକର ବେଙ୍ଗାଲୁରୁ-ମହୀଶୂର ଏକ୍ସପ୍ରେସୱେ ଉଦଘାଟନ କରିଥିଲେ । ଏହି ଏକ୍ସପ୍ରେସୱେ ଫଳରେ ବେଙ୍ଗାଲୁରୁ-ମହୀଶୂର ଯାତ୍ରା ସମୟ ତିନି ଘଣ୍ଟାରୁ ପ୍ରାୟ ୭୫ ମିନିଟକୁ ଆସିଛି । କିନ୍ତୁ ଶୁକ୍ରବାର ରାତିରେ ରାଜ୍ୟର ରାମନଗର ଅଞ୍ଚଳରେ ପ୍ରବଳ ବର୍ଷା ହେବାରୁ ଏହା ଜଳମଗ୍ନ ହୋଇଯାଇଥିଲା । ଏକ୍ସପ୍ରେସୱେ୍ର ଅଣ୍ଡରବ୍ରିଜରେ ପାଣି ଜମାହେବାରୁ ଅନେକ ଦୁର୍ଘଟଣା ଘଟିଥିଲା, ପରେ ଟ୍ରାଫିକ୍ ଜାମ୍ ମଧ୍ୟ ହୋଇଥିଲା।
Sambad is now on WhatsApp
Join and get latest news updates delivered to you via WhatsApp
ଯାନବାହାନର କ୍ଷୟକ୍ଷତି ନେଇ କର୍ଣ୍ଣାଟକ ମୁଖ୍ୟମନ୍ତ୍ରୀ ବାସଭରାଜ ବୋମ୍ମାଇ ଏବଂ ପ୍ରଧାନମନ୍ତ୍ରୀଙ୍କ ଉପରେ ଅସନ୍ତୋଷ ବ୍ୟକ୍ତ କରିଛନ୍ତି ଅନେକ ଯାତ୍ରୀ । ବିକାଶ ନାମକ ଜଣେ ଯାତ୍ରୀ ଜାତୀୟ ଗଣମାଧ୍ୟରେ ସାକ୍ଷାତକାର ଦେଇ କହିଛନ୍ତି ଯେ, ତାଙ୍କ ମାରୁତି ଗାଡ଼ି ଅଣ୍ଡରବ୍ରିଜର ପାଣିରେ ଅଧା ବୁଡ଼ି ଅଟକି ଯାଇଥିଲା ଏବଂ ପଛରୁ ଆସୁଥିବା ଏକ ଲରୀ କାରକୁ ଧକ୍କା ଦେଇଥିଲା । ଏଥିପାଇଁ କିଏ ଦାୟୀ ରହିବ? କାର ମରାମତି ପାଇଁ ମୁଖ୍ୟମନ୍ତ୍ରୀଙ୍କୁ ଅନୁରୋଧ କରୁଛି । ପ୍ରଧାନମନ୍ତ୍ରୀ ମୋଦୀ ଏକ୍ସପ୍ରେସୱେକୁ ଉଦଘାଟନ କରିବା ପୂର୍ବରୁ ସଡ଼କ ଏବଂ ପରିବହନ ମନ୍ତ୍ରଣାଳୟ ପକ୍ଷରୁ ଯାଞ୍ଚ କରିଥିଲେ କି ?
ନାଗରାଜୁ ନାମକ ଅନ୍ୟ ଜଣେ ଯାତ୍ରୀ କହିଛନ୍ତି ଯେ, ପାଣି ଜମା ହେବା ଯୋଗୁ ତାଙ୍କ ଗାଡ଼ିର ଦୁର୍ଘଟଣା ହୋଇଥିଲା । ଯଦି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆସିଥାନ୍ତେ, ତେବେ ରାଜ୍ୟ ସରକାର ୧୦ ମିନିଟରେ ଭରିରହିଥିବା ପାଣିକୁ ସଫା କରିଦେଇଥାନ୍ତେ । ଆପଣ ଦେଖିପାରୁ ନାହାନ୍ତି ଯେ, ଆମେ ସାଧାରଣ ଲୋକ କେତେ ଯନ୍ତ୍ରଣା ଭୋଗୁଛୁ? ଦୁର୍ଘଟଣା ପାଇଁ କିଏ ଦାୟୀ ରହିବ?