ବାଂଲାଦେଶ ଯବାନଙ୍କ ଗୁଳିରେ ବିଏସଫ ଯବାନ ସହିଦ ଘଟଣା : ଭୁଲ ବୁଝାମଣାରୁ ଏହା ହେଲା, ଆଗକୁ ଏପରି ହେବ ନାହିଁ ବୋଲି କହିଲା ବାଂଲାଦେଶ
ଢାକା : ବାଂଲାଦେଶୀ ସୀମା ସୁରକ୍ଷା ବାହିନୀ (ବିଜିବି) ଗୁଳିରେ ଭାରତର ବିଏସଏଫ ଯବାନ ସହିଦ ହେବା ଘଟଣା ନେଇ ବୟାନ ରଖିଛନ୍ତି ବାଂଲାଦେଶର ଗୃହମନ୍ତ୍ରୀ ଅସାଜମାନ ଖାଁ । ସେ କହିଛନ୍ତି ଯେ ଏକ ଭୁଲ ବୁଝାମଣାରୁ ଏପରି ଦୁର୍ଭାଗ୍ୟଜନକ ଘଟଣା ଘଟିଲା । ଭବିଷ୍ୟତରେ ଯେପରି ଏପରି ଘଟଣା ନ ହୁଏ, ସେଥିଲାଗି ପଦକ୍ଷେପ ନିଆଯିବ । ଉତ୍ତେଜନାକୁ ପ୍ରଶମିତ କରିବାକୁ ଭାରତର ଗୃହମନ୍ତ୍ରୀ ଅମିତ ଶାହାଙ୍କ ସହ କଥାବାର୍ତ୍ତା କରିବେ ବୋଲି ସେ କହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଗତ ଗୁରୁବାରଦିନ ବିଜିବି ଗୁଳିରେ ଭାରତର ସୀମା ସୁରକ୍ଷା ବାହିନୀ(ବିଏସଏଫ)ର ଜଣେ ଯବାନ ହେଡ କନଷ୍ଟେବଲ ବିଜୟ ଭାନ ସିଂ ସହିଦ ହୋଇଥିଲେ । ଅନ୍ୟ ଜଣେ ଯବାନ ଆହତ ମଧ୍ୟ ହୋଇଥିଲେ । ବିଜିବି ଦ୍ୱାରା ଗିରଫ ହୋଇଥିବା ୩ ଜଣ ଭାରତୀୟ ମତ୍ସଜୀବୀଙ୍କୁ ମୁକ୍ତ କରିବା ଲାଗି ଡକାଯାଇଥିବା ଏକ ଫ୍ଲାଗ ମିଟିଂରୁ ଫେରୁଥିଲେ ବିଏସଏଫର ଏକ ୬ ଜଣିଆ ଦଳ। ପଛରୁ ହିଁ ବିଜିବି ଯବାନ ଗୁଳି କରିବାରୁ ଘଟଣାସ୍ଥଳରେ ସିଂଙ୍କ ମୃତ୍ୟୁ ହୋଇଥିଲା ।