ଭାରତ ପିଆଜ ରପ୍ତାନି ବନ୍ଦ କରିବା ପରେ ନିଜ ରୋଷେଇଆକୁ ବଡ଼ ନିର୍ଦ୍ଦେଶ ଦେଇଛନ୍ତି ଶେଖ୍ ହସିନା
ନୂଆଦିଲ୍ଲୀ : ଆଜିଠୁ ବାଂଲାଦେଶ ପ୍ରଧାନମନ୍ତ୍ରୀ ଶେଖ୍ ହସିନାଙ୍କ ୪ଦିନିଆ ଭାରତ ଗସ୍ତ ଆରମ୍ଭ ହୋଇଛି । ଭାରତ ଗସ୍ତ ସମୟରେ ବାଂଲାଦେଶର ପ୍ରଧାନମନ୍ତ୍ରୀଙ୍କ ସହ ଅନେକ ପ୍ରସଙ୍ଗକୁ ନେଇ ଆଲୋଚନା କରିବେ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ତେବେ ଶେଖ୍ ହସିନା ଭାରତ ଗସ୍ତରେ ଆସିଥିବା ବେଳେ ପିଆଜକୁ ନେଇ ଭାରତ ସରକାର ନେଇଥିବା ନିଷ୍ପତ୍ତି ପାଇଁ ସେ ନିରାଶ ହୋଇଥିବା କହିଛନ୍ତି । ଶୁକ୍ରବାର ଆୟୋଜିତ କରାଯାଇଥିବା ଏକ କାର୍ଯ୍ୟକ୍ରମରେ ସେ ନିଜର ଦୁଃଖ ପ୍ରକାଶ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, କିଛି ଦିନ ତଳେ ପିଆଜ ଦର ବୃଦ୍ଧିକୁ ଦେଖି ଭାରତ ସରକାର ଏହାର ରପ୍ତାନିକୁ ବନ୍ଦ କରି ଦେଇଥିଲେ । ଯାହାର ପ୍ରଭାବ ବାଂଲାଦେଶରେ କେତେ ରହିଛି, ତାହା ବାଂଲାଦେଶ ପ୍ରଧାନମନ୍ତ୍ରୀ ଶେଖ୍ ହସିନା କହିଛନ୍ତି । ଭାରତ-ବାଂଲାଦେଶର ବ୍ୟବସାୟ ମଞ୍ଚକୁ ସମ୍ବୋଧନ କରି ପିଆଜର ଦୁଃଖ ଜଣାଇଛନ୍ତି ଶେଖ୍ ହସିନା ।
#WATCH Bangladesh Prime Minister Sheikh Hasina in Delhi: Pyaaz mein thoda dikkat ho gya hamare liye. Mujhe maloom nahi kyun aapne pyaaz bandh kar diya? Maine cook ko bol diya ab se khana mein pyaaz bandh kardo. (Indian Govt had banned export of Onions on September 29) pic.twitter.com/NYt4ds9Jt2
— ANI (@ANI) October 4, 2019
ମୁଁ ଜାଣି ନାହିଁ କି, ହଠାତ୍ ପିଆଜର ରପ୍ତାନି କାହିଁକି ବନ୍ଦ କରି ଦିଆଯାଇଛି? କିନ୍ତୁ ରପ୍ତାନି ବନ୍ଦ ହେବା ପରେ ଏବେ ମୁଁ ମୋ ରୋଷେଇଆକୁ ବିନା ପିଆଜରେ ଖାଦ୍ୟ ରାନ୍ଧିବାକୁ ନିର୍ଦ୍ଦେଶ ଦେଇଛି । ଏଭଳି ନିଷ୍ପତ୍ତି ନେବା ପୂର୍ବରୁ ଯଦି ଗୋଟେ ନୋଟିସ୍ ଜାରି କରି ଦିଆଯାଇଥାନ୍ତା, ତେବେ ଭଲ ହୋଇଥାନ୍ତା । ହଠାତ୍ ପିଆଜର ରପ୍ତାନି ବନ୍ଦ ହେବା ପରେ ଆମମାନଙ୍କୁ ପରିସ୍ଥିତିକୁ ସମ୍ଭାଳିବା କଷ୍ଟକର ହୋଇ ପଡ଼ିଛି । ଆଗକୁ ଏଭଳି ନିଷ୍ପତ୍ତି ନେଲେ ଆମକୁ ପୂର୍ବରୁ ଜଣାଇ ଦେବେ ବୋଲି କହିଥିଲେ ଶେଖ୍ ହସିନା ।