ଡାକ୍ତର ଘରର ଏକମାତ୍ର ପୁଅର ମୃତ୍ୟୁ ଖବର ଦେବା ପରେ ଅନ୍ତିମ ସଂସ୍କାର ପାଇଁ ବାହାରିଲେ ପରିବାର ଲୋକେ, ଅଧ ବାଟରେ ହେଲା ଚମତ୍କାର
ଭତିଣ୍ଡା : ପଞ୍ଜାବର ଭଟିଣ୍ଡାରେ ଘଟିଥିବା ଚମତ୍କାରକୁ ନେଇ ଏବେ ଚାରିଆଡ଼େ ଚର୍ଚ୍ଚା । ଘରର ବଡ଼ ପୁଅ ଆର ପାରିକୁ ଚାଲିଯିବାର ଖବର ଡ଼ାକ୍ତର ଦେବା ପରେ ପରିବାର ଉପରେ ଦୁଃଖର ପାହାଡ଼ ଖସି ପଡ଼ିଥିଲା । ଏହା ସହ ସମସ୍ତେ ପୁଅର ଅନ୍ତିମ ସଂସ୍କାର କରିବା ପାଇଁ ପ୍ରସ୍ତୁତି ଆରମ୍ଭ କରି ଦେଇଥିଲେ । ଏହି ସମୟରେ ଯେଉଁ ଚମତ୍କାର ଘଟିଥିଲା, ତାହା ସମସ୍ତଙ୍କୁ ଚମକାଇ ଦେଇଥିଲା ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଡ଼ାକ୍ତର ମୃତ ଘୋଷଣା କରିବା ପରେ ମୃତ ପୁଅର ବାପା ଏବଂ ତାଙ୍କର ସଂପର୍କୀୟମାନେ ମର ଶରୀର ଧରି ଆମ୍ବୁଲାନ୍ସ ଯୋଗେ ଘରକୁ ଫେରୁଥିଲେ । କିନ୍ତୁ ବାଟରେ ମର ଶରୀରଟି ହଲିବାକୁ ଲାଗିଥିଲା । ଯାହା ପରେ ମୃତକଙ୍କ ବାପା ଜୋରରେ ପାଟି କରି ଗାଡ଼ି ଡ଼ାକ୍ତରଖାନାକୁ ତୁରନ୍ତ ନେଇ ଚାଲ ବୋଲି କହିଥିଲେ । ଠିକ୍ ସମୟରେ ଡ଼ାକ୍ତରଖାନା ପହଞ୍ଚିବା ପରେ ଏବେ ମୃତ ଘୋଷଣା କରାଯାଇଥିବା ଯୁବକ ସମ୍ପୂର୍ଣ୍ଣ ସୁସ୍ଥ ଥିବା ଜଣାପଡ଼ିଛି । ଏହା ପ୍ରଥମ ନୁହେଁ, ଏଭଳି ଚମତ୍କାର ପୂର୍ବରୁ ଅନେକ ଥର ଘଟିଛି ।