ଦୁର୍ବଳ ହେବା ଏକ ଅପରାଧ: ଆରଏସ୍ଏସ୍ ପ୍ରମୁଖ

ନାଗପୁର: ରାଷ୍ଟ୍ରୀୟ ସ୍ବୟଂସେବକ ସଂଘ(ଆରଏସ୍ଏସ୍)ର ମୁଖ୍ୟ ମୋହନ ଭାଗୱତ ମହାରାଷ୍ଟ୍ରର ନାଗପୁରରେ ସଂଘର ବିଜୟାଦଶମୀ ରାଲିରେ ହିନ୍ଦୁମାନଙ୍କ ବିଷୟରେ ଏକ ବଡ଼ କଥା କହିଛନ୍ତି। ସେ କହିଛନ୍ତି ଯେ ହିନ୍ଦୁମାନେ ସଂଗଠିତ ଏବଂ ଶକ୍ତିଶାଳୀ ହେବା ଉଚିତ୍। ଦୁର୍ବଳ ହେବା ଏକ ଅପରାଧ। ସମାଜରେ କୌଣସି ବିଚ୍ଛିନ୍ନତା ଏବଂ ଦ୍ୱନ୍ଦ୍ୱ ରହିବା ଉଚିତ୍ ନୁହେଁ।

 ଆମ ଦେଶ ଆଗକୁ ବଢୁଛି। ବିଶ୍ୱରେ ଭାରତର ପ୍ରତିଷ୍ଠା ବଢ଼ିବାରେ ଲାଗିଛି। ଭାରତର ବିବିଧତା ହେଉଛି ଭାରତର ଶକ୍ତି। ଭାରତର ପ୍ରଗତିରେ କିଛି ଲୋକଙ୍କ ସମସ୍ୟା ରହିଛି। ବାଂଲାଦେଶରେ ହିନ୍ଦୁମାନଙ୍କୁ ନିର୍ଯାତନା ଦିଆଯାଉଛି। ସେଠାରେ ଥିବା ସଂଖ୍ୟାଲଘୁମାନଙ୍କ ଉପରେ ବିପଦର ଖଣ୍ଡା ଝୁଲୁଛି।

ସେ କହିଛନ୍ତି  ବାଂଲାଦେଶରେ ଯାହା ଘଟିଲା ଆମେ ସମସ୍ତେ ଦେଖିଛୁ। ସେଠାରେ ଆରମ୍ଭ ହୋଇଥିବା ବିବାଦର କିଛି ତତକ୍ଷଣାତ୍ କାରଣ ଥିଲା। କିନ୍ତୁ ଏତେ ବଡ଼ ବିପର୍ଯ୍ୟୟର ମୁଖ୍ୟ କାରଣ ବୁଝିବା ଜରୁରୀ ଅଟେ। ସେଠାରେ ପୁଣିଥରେ ବାଂଲାଦେଶୀ ହିନ୍ଦୁଙ୍କ ବିରୋଧରେ ଅତ୍ୟାଚାର କରାଯାଇଥିଲା। ତା’ପରେ ହିନ୍ଦୁମାନଙ୍କୁ ନିଜକୁ ରକ୍ଷା କରିବା ପାଇଁ ଆଗକୁ ଆସିବାକୁ ପଡ଼ିଥିଲା ।

ଦୁର୍ବଳମାନଙ୍କୁ ଅତ୍ୟାଚାର କରୁଥିବା ମୌଳବାଦୀ ଶକ୍ତି ସେଠାରେ ଥିବା ସମସ୍ତ ସଂଖ୍ୟାଲଘୁଙ୍କ ପାଇଁ ବିପଜ୍ଜନକ ଅଟେ। ସେମାନଙ୍କୁ ଭାରତ ସରକାରଙ୍କ ସାହାଯ୍ୟ ନେବା ଜରୁରୀ। ଦୁର୍ବଳ ହେବା ଏକ ଅପରାଧ, ତେଣୁ ହିନ୍ଦୁମାନେ ଏକଜୁଟ ହେବା ଆବଶ୍ୟକ।

ପରିସ୍ଥିତି ବେଳେବେଳେ ଆହ୍ବାନପୂର୍ଣ୍ଣ ଏବଂ ବେଳେବେଳେ ଭଲ ରହିଥାଏ। ମାନବ ଜୀବନ ପୂର୍ବାପେକ୍ଷା ସାମଗ୍ରୀକ ଭାବରେ ସୁଖୀ କିନ୍ତୁ ଆମେ ଦେଖୁ ଯେ ଏହି ଖୁସି ତଥା ବିକଶିତ ମାନବ ସମାଜରେ ମଧ୍ୟ ଅନେକ ସଂଘର୍ଷ ଚାଲିଛି। ଇସ୍ରାଏଲ ଏବଂ ହମାସ ମଧ୍ୟରେ ଆରମ୍ଭ ହୋଇଥିବା ଯୁଦ୍ଧ କେତେ ବ୍ୟାପକ ହେବ ଏବଂ ଏହା ଅନ୍ୟମାନଙ୍କ ଉପରେ କି ପ୍ରଭାବ ପକାଇବ ସେଥିପାଇଁ ସମସ୍ତେ ଚିନ୍ତିତ ଅଛନ୍ତି।

ଦେଶର ଶତ୍ରୁମାନଙ୍କୁ ସୂଚାଇ ମୋହନ ଭାଗୱତ କହିଛନ୍ତି, ଭାରତ କ୍ରମାଗତ ଭାବରେ ଅଗ୍ରଗତି କରୁଛି, କିନ୍ତୁ ଯେତେବେଳେ କୌଣସି ଦେଶ ଅଗ୍ରଗତି କରୁଛି, ସେତେବେଳେ ଅନେକ ଲୋକ ଅଛନ୍ତି ଯେଉଁମାନେ ଦେଶ ରାସ୍ତାରେ ବାଧା ସୃଷ୍ଟି କରୁଛନ୍ତି। ତେଣୁ ବିଶ୍ବରେ ଅନ୍ୟ ଦେଶର ସରକାରଙ୍କୁ ଦୁର୍ବଳ କରିବା ଜାରି ରହିଛି।

#WATCH नागपुर, महाराष्ट्र: RSS प्रमुख मोहन भागवत ने कहा, "परिस्थितियां कभी चुनौतीपूर्ण होती हैं तो कभी अच्छी... मानव जीवन भौतिक रूप से पहले से अधिक खुशहाल है लेकिन हम देखते हैं कि इस खुशहाल और विकसित मानव समाज में भी कई संघर्ष जारी हैं। इजरायल और हमास के बीच जो युद्ध शुरू हुआ है… pic.twitter.com/Jkx6ELfsxB

— ANI_HindiNews (@AHindinews) October 12, 2024

ଏବେ ଆମେ ଦେଖିଲୁ ବାଙ୍ଗଲାଦେଶରେ ଆମ ପଡ଼ୋଶୀରେ କ’ଣ ହେଲା। ସେହି ହିଂସା ଯୋଗୁ ହିନ୍ଦୁ ସମାଜ ଉପରେ ପୁଣି ଆକ୍ରମଣ କରାଯାଇଥିଲା। ଯେପର୍ଯ୍ୟନ୍ତ ସେଠାରେ ମୌଳବାଦୀ ମାନସିକତା ଅଛି, କେବଳ ହିନ୍ଦୁଙ୍କ ଉପରେ ନୁହେଁ ଅନ୍ୟ ସଂଖ୍ୟାଲଘୁଙ୍କ ଉପରେ ମଧ୍ୟ ଆକ୍ରମଣର ବିପଦ ରହିଥିବା ସେ କହିଛନ୍ତି।

#WATCH महाराष्ट्र: RSS प्रमुख मोहन भागवत ने नागपुर में विजयादशमी के अवसर पर शस्त्र पूजा की।

पद्म भूषण और पूर्व ISRO प्रमुख के. राधाकृष्णन भी इस कार्यक्रम के मुख्य अतिथि के रूप में मौजूद रहे। pic.twitter.com/ShRFL5xEP9

— ANI_HindiNews (@AHindinews) October 12, 2024

ରାଷ୍ଟ୍ରୀୟ ସ୍ବୟଂସେବକ ସଂଘର ସଦସ୍ୟମାନେ ନାଗପୁରର ଆରଏସ୍‌ଏସ୍ ମୁଖ୍ୟାଳୟରେ ଏକାଠି ହୋଇ ବିଜୟାଦଶମୀ ପାଳନ କରିଥିଲେ ଏବଂ  ପ୍ରାର୍ଥନା କରିଥିଲେ। ଆରଏସ୍ଏସ୍ ମୁଖ୍ୟ ମୋହନ ଭ‌ାଗୱତ, କେନ୍ଦ୍ର ମନ୍ତ୍ରୀ ନିତିନ ଗଡକରୀ, ମହାରାଷ୍ଟ୍ର ଉପମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ ଏବଂ ପୂର୍ବତନ ଇସ୍ରୋ ମୁଖ୍ୟ କେ. ସିଭନ୍ ଏହି ଅବସରରେ ଉପସ୍ଥିତ ଥିଲେ।  ପୂର୍ବତନ ଇସ୍ରୋ ମୁଖ୍ୟ କେ.ରାଧାକ୍ରିଷ୍ଣନ କାର୍ଯ୍ୟକ୍ରମର ମୁଖ୍ୟ ଅତିଥି ଭାବରେ ଯୋଗଦେଇଥିଲେ।  ନାଗପୁରରେ ବିଜୟାଦଶମୀ ଅବସରରେ ଆରଏସ୍ଏସ୍ ମୁଖ୍ୟ ମୋହନ ଭାଗୱତ ଶସ୍ତ୍ର ପୂଜା କରିଥିଲେ।