ବାଇକ୍‌ ଚାଳକଙ୍କ ଦ୍ବାରା ଆକ୍ରମଣର ଶିକାର ହେଲେ ବଙ୍ଗୀୟ ଅଭିନେତ୍ରୀ

କୋଲକାତା: କୋଲକାତାର ଜଣେ ଅଭିନେତ୍ରୀ ଶୁକ୍ରବାର ସନ୍ଧ୍ୟାରେ ଜଣେ ବାଇକ୍ ଚାଳକଙ୍କ ଦ୍ବାରା ଆକ୍ରମଣର ଶିକାର ହୋଇଛନ୍ତି। ଅଭିନେତ୍ରୀ ଜଣକ ହେଉଛନ୍ତି ପାୟଲ ମୁଖାର୍ଜୀ। ଏହି ବଙ୍ଗୀୟ ଅଭିନେତ୍ରୀଙ୍କୁ ଜଣେ ବାଇକ ଆରୋହୀ ଆକ୍ରମଣ କରି ତାଙ୍କ କାର ଭଙ୍ଗାରୁଜା କରିଥିବା ଅଭିଯୋଗ ହୋଇଛି।
ଅଭିନେତ୍ରୀଙ୍କ କାର ଏବଂ ବାଇକ ଆରୋହୀଙ୍କ ମଧ୍ୟରେ ମୁହାଁମୁହିଁ ଧକ୍କା ହେବା ପରେ ବାଇକ୍ ଚାଳକ ଜଣକ ରାଗରେ ଅଭିନେତ୍ରୀଙ୍କ ଗାଡ଼ିକୁ ଭଙ୍ଗାରୁଜା କରିଥିବା ସୂଚନା ରହିଛି। 
ଏପରି ଘଟିବା ପରେ ମୁଖାର୍ଜୀ ତୁରନ୍ତ ନିଜ ଫେସବୁକ୍ ପ୍ରୋଫାଇଲରେ ଏହି ଘଟଣାକୁ ଲାଇଭ୍ ଷ୍ଟ୍ରିମିଂ କରିବା ଆରମ୍ଭ କରିଥିଲେ ଏବଂ ଏହି ଦୁଃଖଦ ଘଟଣା ବିଷୟରେ କହିଥିଲେ। କେବଳ ସେତିକି ନୁହେଁ ସେ ସୋସିଆଲ୍ ମିଡିଆ ଜରିଆରେ ସାହାଯ୍ୟ ବି ମାଗିଥିଲେ। ଅନେକ ଦର୍ଶକ ସେମାନଙ୍କ ହସ୍ତକ୍ଷେପ ପାଇଁ କୋଲକାତା ପୁଲିସକୁ ତାଙ୍କ ପୋଷ୍ଟରେ ଟ୍ୟାଗ୍ କରିଥିଲେ। ମୁଖାର୍ଜୀଙ୍କ ଅନୁଯାୟୀ ଏହି ଘଟଣା ଦକ୍ଷିଣ କୋଲକାତାର ଅଲ୍ଟ୍ରା-ପୋସ୍ ସାଉଥ୍ ଆଭେନ୍ୟୁ ଅଞ୍ଚଳରେ ଘଟିଛି। ଖବର ମୁତାବକ ଦୁହେଁ ରାସ୍ତାରେ ମୁହାଁମୁହିଁ ହେବା ପରେ ବାଇକ୍ ଆରୋହୀ ମୁଖାର୍ଜୀଙ୍କ କାରକୁ ଅଟକାଇ ତାଙ୍କ ଉପରେ ପାଟି କରିବା ଆରମ୍ଭ କରିଥିଲେ। ସେ କାରର ଝରକା କାଚ ଭାଙ୍ଗି ତାଙ୍କୁ ଆକ୍ରମଣ କରିବାକୁ ଉଦ୍ୟମ କରିଥିବା ଅଭିଯୋଗ ହୋଇଛି।